આલ્બમ:
મૌનના ટહુકાસ્વરકાર:
દક્ષેશ ધ્રુવસ્વર:
નિશા ઉપાધ્યાયAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
બાઈ હું તો કટકે કટકે કપાઉં,
મોરારીના મનમાં કેમે ના સમાઉં.
દેહ્યુંમાં જાગી દુજા ભવની બળતરા,
લાખ રે ચોર્યાશી ફેર નથી મારે ફરવા.
બાઈ હું તો નમતું ઝોખું ને ના તોળાઉં,
મોરારીના મનમાં કેમે ના સમાઉં.
બાઈ મીરાં કહે મારા ઘટમાં ગુજારો,
ઘૂમ્યો રે વંઠેલ મારા મનનો મુંઝારો.
બાઈ હું તો ઘણું રે લખું ને ના વાંચાઉં,
મોરારીના મનમાં કેમે ના સમાઉં.
સ્વર: નિશા ઉપાધ્યાય
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
મારે કોને જઈને કહેવું?
હે સખી મારે તે શું હવે કહેવું?
કોઈ સ્વપ્નનાં ભેદ ખૂલ્યા ત્યાં,
રણઝણી બંસરી મીઠી;
પીયુ દર્શનની પળ આવી ત્યાં,
વિદાય એની દીઠી.
એનું મનહર રૂપ કેવું?
હે સખી મારે તે શું હવે કહેવું?
સ્નેહ તણી સરિતાને કાંઠે,
રૂપ દીઠું છલકાતાં;
સ્મરણોથી ભીજાંયું અંતર,
તોય ના ઉર શાતા.
મારે પળપળ બળતા રહેવું.
હે સખી મારે તે શું હવે કહેવું?
સ્વર: નિશા ઉપાધ્યાય, સોલી કાપડિયા
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ઝરણાં બનીને પહાડ ઓગળતા રહ્યા,
આપણે માધ્યમ વિના મળતા રહ્યા.
પાંદડુ થથર્યું હશે કોઇ ડાળ પર,
એટલે પાછા પવન વળતા રહ્યા.
આમ તો મળવાનું પણ ક્યાંથી બને,
સારું છે કે સ્વપ્નમાં મળતા રહ્યા.
સાવ આ તો શ્વાસ જેવું લાગે છે,
એટલે આ જીવમાં ભળતા રહ્યા.
સ્વર: નિશા કાપડીયા
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આજ ભીંજાવું શું છે જાણ્યું, વર્ષાએ કરી કમાલ,
મારે આંગણ સાગર વરસે લઈને નદીઓનું વ્હાલ.
સોળ વરસની વર્ષા નાચે બાધી મસ્ત પવનનાં ઝાંઝર,
ઉમંગોની લચકાતી કમર પર પીડાની છલકે છે ગાગર,
વાત ચડી વંટોળે હું થઈ ગઈ માલામાલ,
ચડ્યું અચાનક ગોપિત ઝરણું.. વર્ષાએ કરી કમાલ..
આભ અરીસે મીટ જો માંડી કાયા થઈ ગઈ કંકુવરણી,
ફોરાં અડી મહેકે સંદેશા ગોકુળ બનતી મનની ધરણી,
ભીતર તનડે ભીનાં રાગો સાતે સૂરો કરે ધમાલ,
ગમ્યું અચાનક ખુદને મળવું.. વર્ષાએ કરી કમાલ..
સ્વર: સોલી – નિશા કાપડીયા
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ચલો ઘર ઘર રમીએ, ચલો ઘર ઘર રમીએ,
એકબીજાથી થઈ અજાણ્યા, એક-મેકને ગમીએ,
હો ચલો ઘર ઘર રમીએ..
હું લાવીશ ચોખાનો દાણો, તું દાળનો દાણો,
સોનલવરણી રેતી ઉપર સરતાં રહેશે વ્હાણો,
અહીંયા આપણે રહીએ તોયે, જગ આખામાં ભમીએ,
હો ચલો ઘર ઘર રમીએ..
વયનાં વસ્ત્રો સરી પડશે ને થઈશું નાના અમથાં,
આપણને ના ખબર પડે કે એક-મેકને ગમતાં,
રમતાં રમતાં એક-મેકમાં એવાં તો વિરમીએ,
હો ચલો ઘર ઘર રમીએ..
ખુદનાં ઘરની આસપાસ એક સાવ નિરાળો બાગ,
એમાં એક જ મોસમ કેવળ ફાગ ફાગ ને ફાગ,
વારેવારે વર-વહુ થઈને પળ પળ અહો પરણીયે,
હો ચલો ઘર ઘર રમીએ..
તાજેતરનાં અભિપ્રાયો