Home > ગીત, જહાનવી શ્રીમાંનકર, હરિન્દ્ર દવે > હે કોઈ આઘે આઘેથી – હરિન્દ્ર દવે

હે કોઈ આઘે આઘેથી – હરિન્દ્ર દવે

December 13th, 2007 Leave a comment Go to comments

સ્વર: જ્હાનવી શ્રીમાંકર

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

હે કોઈ આઘે આઘેથી વેણુ વાય છે,
રે મને જાતી રહું જાતી રહું થાય છે.

લાલ લાલ આંખડીથી સાસુ જુએ છે
હોઠ મરડીને નણદી પગ પછાડે
લહેરીયે ચડેલ મારા લોચનીયા જોઈ
ઉભો નાવલીયો બારણાની આડે
હો ઘેરા ઘેનની કટોરી કોઈ પાય છે
રે મને જાતી રહું જાતી રહું થાય છે
હે કોઈ આઘે આઘેથી…

એક દ્વાર બંધ કિધું તો
કેટલાંય મારગ આ આંખમાં સમાયા
ધૂપ થઈ ઉડી, હું ચાલી સંભાળો
હવે પીંજરામાં રહી ગઈ કાયા
હવે છાનું એ છનછન છલકાય છે
રે મને જાતી રહું જાતી રહું થાય છે
હે કોઈ આઘે આઘેથી…

Please follow and like us:
Pin Share
  1. December 13th, 2007 at 11:25 | #1

    એક દ્વાર બધ કિધુ તો
    કેટલાય મારગ આ આખમા સમાયા

    વાહ નિરજ બહુ જ મજા આવી આ ગીત માણવાની.

    આલ્બમનુ નામ આપજે દોસ્ત.

  2. December 13th, 2007 at 11:33 | #2

    કેતનભાઈ આ ગીત અમદાવાદમાં યોજાયેલા પ્રોગ્રામમાંથી લાઈવ રેકોર્ડીંગ કરેલું છે.

  3. સુરેશ જાની
    December 13th, 2007 at 14:29 | #3

    પહેલી જ વાર વાંચ્યું, સાંભળ્યું. આભાર.
    બહુ જ સરસ સુર છે. લેખક, સંગીતકાર, ગાયક કોણ?

  4. January 16th, 2008 at 16:44 | #4

    કૌમુદી મુનશીના સ્વરે સાંભળવાની વધારે મઝા આવે છે.

  5. Chaital Thaker
    May 14th, 2009 at 05:09 | #5

    વાહ, કાનુડાના પ્રેમમા ઘેલી ગોપીના મનની વ્યથાને શ્રી હરિન્દ્ર દવેએ સચોટ રીતે શબ્દોમા વર્ણવી છે. જ્હાનવીની સરસ ગાયકીએ ગોપીના મનના ભાવોને બાખૂબ વ્યક્ત કર્યા છે.

    આવા પ્રેમથી કોઇ યાદ કરે અને કાનુડો ના આવે એવુ બને?

  1. No trackbacks yet.