ચાલ સખી પાંદડીમાં – ધ્રુવ ભટ્ટ
સ્વર: અમર ભટ્ટ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ચાલ સખી પાંદડીમાં ઝાકળના ટીપાંની
જેમ ફરી જિંદગીને મૂકીએ,
ટેરવાનો સ્પર્શ એક ઘટના કહેવાય
કે લાગણી ગણાય એમ પૂછીએ.
વેદના તો અડીખમ ઉભો કંઠાર,
જતાં આવતાં જુવાળ ભલે કોતરે;
સુખ સાથે આપણો તો જળનો સંબંધ,
ક્યાંક રેતી ઢાંકે ને ક્યાંક ઓસરે.
છીપલાની હોડીને શઢથી શણગાર ચાલ,
કાંઠો છોડીને હવે ઝૂકીએ;
પાંદડીમાં ઝાકળનાં ટીપાંની જેમ,
ફરી ચાલ સખી જિંદગીને મૂકીએ.
ચાંદનીને ચાંદનીનું નામ નતા દે’તા,
એ વાતો અકબંધ મને યાદ છે;
વૃક્ષ પછી ડાળ પછી પંખીનો માળો,
ને ઉપર આકાશ જેવો સાદ છે.
મૂળમાંથી ફૂટે ને ટોચ લગી જાય,
એવી લાગણીને કેમ રે ઉવેખીએ;
ઝાકળશી જિંદગીને પાનની લીલાશ પરે,
ચાલ સખી એક વાર મૂકીએ.
વાહ્…. !!
ચાલ સખી પાંદડીમાં ઝાકળના ટીપાંની
જેમ ફરી જિંદગીને મૂકીએ,
ટેરવાનો સ્પર્શ એક ઘટના કહેવાય
કે લાગણી ગણાય એમ પૂછીએ.
ખૂબ સુંદર
Beautiful poetry but the singer is terrible! I think he is trying too much and bad voice.Sorry.
Khub Sundar!
Aabhar!
તારી આંખ નો અફીણી તારા બોલ નો બંધાણી
તારા રૂપની પુનમ નો પાગલ એક્લો
તાલ પુરાવે દીલ ની ધડકણ પ્રીત બજાવે પાવો તારી મસ્તી નો મતવાલો મોહન એક્લો!
tervaa no sparsh e ghatnaa kahevaay ke pachhi
laagani ganaay em puchhiye…… how touching !