[audio src="http://rankaar.com/audio/Morpichh/05 Vrundavan Ma - Vrundgaan.mp3"]

પ્રસ્તાવના: તુષાર શુક્લ
સ્વર: વૃંદગાન

વૃંદાવનમાં થનકાર થનક થૈ થૈ થૈ !
રાધાકૃષ્ણ રમે રાસ ગોપી લૈ લૈ લૈ !
બીજુ કંઈ નહી, કંઈ નહી.. વૃંદાવનમાં..

નૂપુર ચરણ કનકવરણ ઝાંઝર જોડો, ઘુઘરિયાળો કટિ ઓપે કંદોરો,
મોરમુકુટમણી વાંકડો અંબોડો, કુંડળકાન, ભ્રુકુટિતાન, નયનબાણ,
કંપમાન, તાળી લૈ લૈ લૈ.. વૃંદાવનમાં..

મુકુટ માંહી રૂપ દીઠું રાધાએ, મનમાં માનુનિ વિસામણ થાયે,
હુંથી છાની બીજી છે મુકુટ માંહે, બહુ વ્હાલી, હઠ ઝાલી, ઊઠી ચાલી,
દયાપ્રભુ જ્ય જ્ય જ્ય.. વૃંદાવનમાં..

પ્રસ્તાવના: તુષાર શુક્લ
સ્વરાંકન: પુરષોત્તમ ઉપાધ્યાય
સ્વર: શ્યામલ મુનશી

કાનુડો કામણગારો રે, સાહેલી, આ તો કાનુડો કામણગારો રે !
રંગે રૂડો ને રૂપાળો રે, સાહેલી, આ તો કાનુડો કામણગારો રે !

રંગ રાતોરાતો મદમાતો, ને વાંસલડીમાં ગીતડાં ગાતો,
હે એનાં નેણાં કરે ચેનચાળો રે, સાહેલી, આ તો કાનુડો કામણગારો રે !

ભરવાને ગઈ’તી પાણી રે એને પ્રેમપીડા ભરી આણી રે,
ઘેલી થઈ આવી શાણી રે, સાહેલી, આ તો કાનુડો કામણગારો રે !

બેની તારે પાયે લાગું, વ્હાલા રે વિના ઘેલું રે લાગ્યું;
હે એને દયાના પ્રીતમ માંગું રે, સાહેલી, આ તો કાનુડો કામણગારો રે !