Archive

Click play to listen all songs in ‘વેણીભાઈ પુરોહિત’ Category
This text will be replaced by the flash music player.

જોગી ચલો – વેણીભાઈ પુરોહિત

April 9th, 2010 3 comments
આલ્બમ:સમન્વય ૨૦૦૯
સ્વરકાર:પરેશ ભટ્ટ
સ્વર:ભૂમિક શાહ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


જોગી ચલો ગેબને ગામ,
સમય પોતે છે પ્રશ્નવિરામ,
સમયનું ક્યાં છે પૂર્ણવિરામ?

સુખને દુઃખનું સંગમ તીરથ
જીવન એનું નામ,
આવન જાવન ગહન અનાદિ
કરવું પડે શું કામ?
જોગી ચલો ગેબને ગામ..

તપ લેખો તો તપ છે જીવન
નહીંતર તીખો તાપ,
મુસિબતોને પાર કરે
તે સુખિયો આપોઆપ.
પોતામાં સુખ શોધીને કર,
પોતાને જ પ્રણામ..
જોગી ચલો ગેબને ગામ..

ડાબા જમણા ખભા ઉપર છે
કઈ ભવ ભવનો ભાર,
પાપ પુણ્યની વચ્ચે ચાલે
અરસ પારસ સંહાર.
તું પોતે છે પરમ પ્રવાસી
તુજ પરમનું ધામ..
જોગી ચલો ગેબને ગામ..

taintedsong.com taintedsong.com taintedsong.com

મુને અંધારા બોલાવે – વેણીભાઈ પુરોહિત

March 19th, 2010 14 comments
આલ્બમ:સમન્વય ૨૦૦૮
સ્વરકાર:દિલીપ ધોળકીયા
સ્વર:હંસા દવે

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


મુને અંધારા બોલાવે,
મુને અજવાળા બોલાવે.

હું વનવગડામાં પેઠી છું,
હું લાગણીયોથી હેઠી છું,
હું બેહરી થઈને બેઠી છું,
મુને સપનાઓ સળગાવે.
મુને અંધારા..

આ રાત હૃદયમાં થાકી છે,
આ પ્રીતની પાની પાકી છે,
આ સુખને દુ:ખ પણ બાકી છે,
મુને લાજશરમ લલચાવે.
મુને અંધારા..

આ લીલાવનને માંડવડે,
આ પાનેતરને પાલવડે,
આ જીવતર ઝગડે મારગડે,
મુને હોશ વિનાં હરખાવે.
મુને અંધારા..

taintedsong.com taintedsong.com taintedsong.com

ઘનશ્યામ ગગનમાં – વેણીભાઈ પુરોહિત

February 19th, 2010 5 comments
સ્વર:ગાર્ગી વોરા, નયન પંચોલી

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


ઘનશ્યામ ગગનમાં ટમટમ તારા ટમકી
રે મનની આ વાત અચાનક મલકી.

મનનું મારું માનસરોવર આવ આવ ઓ હંસી,
ઘટગુબંજમાં બજે સુમંજુલ સુખ વ્યાકુળ સ્વર બંસી,
સુમિરન જાગત ઝબકી ઝબકી,
રે આ વાત અચાનક મલકી..

પવન લહર આ પ્રીત બાંવરી, નાચત હલકી હલકી
નિશિગંધાની સોડ તજીને મઘમઘ સોડમ પ્રગટી,
ભરભર મિલન ગીતની વટકી,
રે આ વાત અચાનક મલકી..

taintedsong.com taintedsong.com taintedsong.com

કોકરવરણો તડકો – વેણીભાઈ પુરોહિત

June 30th, 2009 6 comments

સ્વર: ચંદુ મટ્ટાણી

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

હજી આ કોકરવરણો તડકો છે,
સાંજ તો પડવા દો, દિવસને ઢળવા દો!
હજી આ સૂર્ય બુઝાતો ભડકો છે, સાંજ તો..

હજી ક્યાં પંખી આવ્યા તરૂવર પર
અને ક્યાં દીપક પણ પ્રગટ્યા ઘર ઘર,
હજી ના મનડું બેઠું મહુવર પર,
દેવમંદિરે નોબત સંગે, ઝાલર મધુર વગાડવા દો..

હજી આ ધરતી ઊની ઊની છે
ગગનની મખમલ તારક સૂની છે,
સાંજ તો શોખીન ને સમજુની છે,
કનકકિરણને નભવાદળમાં
અદભુત રંગ રગડવા દો, સાંજ તો..

હજી ક્યાં દુનિયાદારી થાકી છે,
હવાની રૂખ બદલવી બાકી છે,
હજી આ કિરણોમાં કરડાકી છે.
ગમતીલી ગોરજને ઉંચે
અંગે અંગ મરડવા દો, સાંજ તો..

taintedsong.com taintedsong.com taintedsong.com

સુખનાં સુખડ જલે રે – વેણીભાઈ પુરોહિત

April 8th, 2009 7 comments

સ્વરાંકન: અજિત મર્ચન્ટ
સ્વર: નીરજ પાઠક

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

સુખના સુખડ જલે રે મારા મનવા!
દુઃખના બાવળ બળે,
સુખડ જલે ને થાય ભસમની ઢગલી
ને બાવળના કોયલા પડે.
મારા મનવા! તરસ્યા ટોળે વળે.

કોઈનું સુખ ખટરસનું ભોજન,
કોઈ મગન ઉપવાસે;
કોઈનું સુખ આ દુનિયાદારી,
કોઈ મગન સંન્યાસે.
રે મનવા ! કોઇ મગન સંન્યાસે.
સુખના સાધન ને આરાધન
લખ ચકરાવે ચડે રે મારા મનવા!
તરસ્યા ટોળે વળે.

કોઈ પરમારથમાં સુખ શોધે,
કોઈ પરદુઃખે સુખિયા, રે મનવા!
ભગત કરે ભગતીનો ઓછવ,
કોઈ મંદિરના રે મુખિયા.
રે મનવા ! કોઈ મંદિરના મુખિયા.
સમદુખિયાનો શંભુમેળો
ભવમાં ભેળો મળે, મળે રે મારા મનવા!
તરસ્યા ટોળે વળે.

સુખનાં સુખડ જલે રે
મારા મનવા !
દુઃખના બાવળ બળે.

taintedsong.com taintedsong.com taintedsong.com