સ્વરકાર: રસિકલાલ ભોજક
સ્વર: હીમાલી વ્યાસ

ઝાંઝર અલકમલકથી આવ્યું રે,
મને વ્હાલાએ પગમાં પહેરાવ્યું રે,
મારું ઝમકે ઝમઝમ ઝાંઝરણું.

એને ઘૂઘરે ઘમકે તારલિયા,
એને પડખે ચમકે ચાંદલિયા,
એને મોઢે તે બેઠા મોરલિયા,
મારું ઝમકે ઝમઝમ ઝાંઝરણું.

એ રાજાએ માંગ્યું ઝાંઝરણું,
એ રાણીએ માંગ્યું ઝાંઝરણું,
તોયે વ્હાલે દીધું મને ઝાંઝરણું,
મારું ઝમકે ઝમઝમ ઝાંઝરણું.

ઝાંઝર પહેરી હું પાણીડાં ચાલી,
મારી હરખે છે સરખી સાહેલી,
એને ઝમકારે લોકોની આંખો જલી,
મારું ઝમકે ઝમઝમ ઝાંઝરણું.

[audio src="http://rankaar.com/audio/Samnvay2008/Palak palak mori aankh.mp3"]

પલક પલક મોરી આંખ નિહાળે,
મલક મલક તુજ મુખ મલકે,
આજ અમારા સાગરતટ પર
શો તારો રસ છલકે.

જલ પવનના ઘોડા અટકીયા,
મન મૃગ તણા ઠેકા ન ટકિયા
હો અકલિત ને કલિત કરી તુજ
પાંપણ શી અપલક પલકે.

મંદિર વિષે દીપક પ્રગટિયા
દીપમાં ઉદ્દીપ ઘટિયા.
નૈણ નૈણ તુજ નૈણ પરોવી
શો તુજ ઘઘનાંમ્બર ઢળકે.