આલ્બમ: અમર સદા અવિનાશ

બે ફૂલ ચઢાવે મૂર્તિ પર,
પ્રભુ નહીં મળે સસ્તામાં, ઈશ્વર પડ્યો નથી રસ્તામાં.
કૃષ્ણની પાસે જવું હોય તો,
બનવું પડે સુદામા, ઈશ્વર પડ્યો નથી રસ્તામાં.

સાચું છે એ સચરાચર છે,
સાચું છે એ અજરાઅમર છે,
સાચું છે એ પરમેશ્વર છે,
પણ ચોધારે વરસે મેહુલીયો તો,
મળે એક ટીપાંમાં, ઈશ્વર પડ્યો નથી રસ્તામાં.

રામનું સ્વાગત કરતાં ઋષિઓ, જાપ જપન્તા રહી ગયાં,
એઠાં બોરને અમૃત કરીને રામ શબરીનાં થઈ ગયાં,
નહીં મળે ચાંદી સોનાનાં અઢળક સિક્કામાં,
નહીં મળે કાશીમાં કે નહીં મળે મક્કામાં,
પણ નસીબ હોય તો મળી જાય એ તુલસીનાં પત્તામાં,
ઈશ્વર પડ્યો નથી રસ્તામાં.

બે ફૂલ ચઢાવે મૂર્તિ પર,
પ્રભુ નહીં મળે સસ્તામાં, ઈશ્વર પડ્યો નથી રસ્તામાં.

સ્વર: પુરષોત્તમ ઉપાધ્યાય

હવે મંદિરનાં બારણા ઉઘાડો મોરી માત
ગગન કેરે ઘાટ આવી નોરતાની રાત

ચંદ્રમાનું ચંદન અને સૂરજનું કંકુ
આસમાની ઓઢણીમાં ટપકીયાળી ભાત
ગગન કેરે ઘાટ આવી નોરતાની રાત

કે નભનાં તારલિયા તારી આરતી ઉતારે
ને સમીરની શરણાઈ ગાઈ તુજને સત્કારે
આજે માવડીના મિલનીએ જાગ્યું આ વિરાટ
ગગન કેરે ઘાટ આવી નોરતાની રાત
—————————
ફરમાઈશ કરનાર મિત્ર: કલાપીભાઈ

સ્વર: લતા મંગેશકર

બેના રે..
સાસરીયે જાતાં જોજો પાંપણના ભીંજાય
દીકરીતો પારકી થાપણ કહેવાય
દીકરી ને ગાય, દોરે ત્યાં જાય
દીકરીતો પારકી થાપણ કહેવાય

બેની તારી માથે બાપનો હાથ હવે નહી ફરશે
રમતી તું જે ઘરમાં એની ભીંતે-ભીંતો રડશે
બેના રે.. વિદાયની આ વસમીવેળા રોકે ના રોકાય
દીકરી તો પારકી થાપણ કહેવાય

તારા પતિનો પડછાયો થઈ, રહેજે સદાયે સાથે
સોહાગી કંકુ સેંથામાં, કંકણ શોભે હાથે
બેના રે.. તારી આ વેણીનાં ફૂલો કોઈ દિ ના કરમાય
દીકરી તો પારકી થાપણ કહેવાય

આમ જુઓ તો આંસુ સૌનું પાણી જેવું પાણી
સુખનું છે કે દુ:ખનું એતો કોઈ શક્યું ના જાણી
બેના રે.. રામ કરે સુખ તારું કોઈ દિ નજર્યું ના નજરાય
દીકરી તો પારકી થાપણ કહેવાય

દીકરી ને ગાય, દોરે ત્યાં જાય
દીકરી તો પારકી થાપણ કહેવાય
—————————
ફરમાઈશ કરનાર મિત્રો: ધ્વનિ, મંથન

માણો આ ગીત બે અલગ અલગ સ્વરમાં…

સ્વર: આશા ભોંસલે

સ્વર: આશિત દેસાઇ

રામ… રામ… રામ…
દયાનાં સાગર થઈને, કૃપા રે નિધાન થઈને
છો ને ભગવાન કેવરાવો
પણ રામ તમે સીતાજીની તોલે ન આવો
મારા રામ તમે સીતાજીની તોલે ન આવોસોળે શણગાર સજી મંદિરને દ્વાર તમે
ફૂલ ને ચંદનથી છો પૂજાઓ
પણ રામ તમે સીતાજીની તોલે ન આવો
મારા રામ તમે સીતાજીની તોલે ન આવોકાચા રે કાન તમે, ક્યાં ના ભગવાન તમે
અગ્નિપરીક્ષા કોની કીધી?
તારો પડછાયો થઈ જેણે
વગડો રે વેઠ્યો એને લોકોની વાતે ત્યાગી દીધી
પતિ થઈ ને પત્નીને પરખતાં ન આવડી
છો ને ઘટ-ઘટનાં જ્ઞાતા થઈ ફૂલાઓ
પણ રામ તમે સીતાજીની તોલે ન આવો
મારા રામ તમે સીતાજીની તોલે ન આવો

તમથીયે પહેલાં અશોકવનમાં
સીતાજીએ રાવણને હરાવ્યો
દૈત્યોનાં બીચમાં નિરાધાર નારી તોયે
દશમંથાવાળો ત્યાં ના ફાવ્યો
મરેલા ને માર્યો તેમાં કર્યું શું પરાક્રમ
અમથો વિજયનો લૂટોં લ્હાવો
મારા રામ તમે સીતાજી ની તોલે ન આવો
મારા રામ તમે સીતાજી ની તોલે ન આવો.
———————————–
ફરમાઈશ કરનાર : નીતાબેન

સ્વર: આનંદકુમાર સી.

કરી તો જુઓ રે કોઈ કરી તો જુઓ
મારો હરિ જે કરે તે કોઈ કરી તો જુઓ

હાડ ચામનું પુતળું આ કાયા
એમાં પ્રાણ કેરી ગંગા કોઈ ભરી તો જુઓ
રંગીલા મોરલાના રંગીલા પીછાં
મારા હરિએ જેવા ચિતર્યા કોઈ ચિતરી જુઓ
કે કરી તો જુઓ..

કાળી અમાસની પાછળ પાછળ પૂનમનું અજવાળું
ગંદા કાદવ ને કીચડમાં કમળ ઉગે રૂપાળું
સ્તંભ વીના આકાશ ને કોઈ ધરી તો જુઓ
કે કોઈ કરી તો જુઓ..

સૂરજ ચંદ્ર અનેક વીધી, તારા નક્ષત્રોની હાર
આવે નીયમસર જાય નીયમસર ઋતુઓનો પરીવાર
લય ને પ્રલયનો સમય થઈ કોઈ સરી તો જુઓ
કે કોઈ કરી તો જુઓ…

સ્વર: મિતાલી સિંગ

કોયલ ઉડી રે ગઈ ને પગલાં પડી રે રહ્યાં
સુના સરવર ને સૂનુ આમ્બલિયું
એના પાંદડે પાંદડા રડી રે રહ્યાં

આયખું વેઠીને પાન પીળું રે થયું
માડીની આંખોમાં આન્સુ ના રહ્યું
વનનુ પિયરીયું સૂનુ રે પડ્યું
એના ટહુકા હવે ના જડી રે રહ્યાં

સહિયરની આંખોમા વેદનાની વાણી
સહિયરની આંખલડી કહેતી રે કહાણી
એક આંખે ફાગણ ને એક આંખે શ્રાવણ
જો ને વિજોગ ના વાદળા ચડી રે રહ્યાં

વાદલડી ને કેજો કે સૂરજને ઢાંકે
ઝાંછો રે તાપ મારી દીકરી ના સાંખે
હળવેથી વેલડુ હાંકજોરે ભાઈ
એને વાટ્યુ ના કાંકરા નડી રે રહ્યાં

સ્વર: આશા ભોંસલે

માડી તારુ કંકુ ખર્યું ને સુરજ ઊગ્યો
જગ માથે જાણે પ્રભુતાએ પગ મૂક્યો.

મંદિર સર્જાયું ને ઘંટારવ ગાજ્યો
નભનો ચંદરવો માંએ આંખ્યુમાં આંજ્યો
દીવો થાવા મંદિરનો ચાંદો આવી પૂગ્યો
કંકુ ખર્યું ને સુરજ ઊગ્યો…

માવડીની કોટમાં તારાના મોતી
જનનીની આંખ્યુંમાં પૂનમની જ્યોતિ
છડી રે પુકારી માંની મોરલો ટહુક્યો
કંકુ ખર્યું ને સુરજ ઊગ્યો…

નોરતાંનાં રથનાં ઘૂઘરા રે બોલ્યા
અજવાળી રાતે માંએ અમરત ઢોળ્યાં
ગગનનો ગરબો માંનાં ચરણોમાં ઝૂક્યો
કંકુ ખર્યું ને સુરજ ઊગ્યો…

ધૂણી રે ધખાવી બેલી અમે તારા નામની
ધૂણી રે ધખાવી બેલી અમે તારા નામની

ભૂલો રે પડ્યો રે હંસો આંગણે ઊડીને આવ્યો
તન-મનથી તરછોડાયો, મારગ મારગ અથડાયો
હે ગમ ના પડે રે એને ઠાકુર તારા ગામની
ધૂણી રે ધખાવી બેલી…

કોને રે કાજે રે જીવડા ઝંખના કરે રે જાગી
કોની રે વાટ્યું જોતા ભવની આ ભાવટ ભાગી
હે તરસ્યું રે જાગી જીવને ભક્તિના જામની
ધૂણી રે ધખાવી બેલી…

સ્વરઃ દિપાલી સોમૈયા

મારા લાલ રે લોચનીયામાં
રૂપની ઝલક આવી ગઈ
હું તો જોતી ને જોતી રહી..
મારા લાલ રે લોચનીયામાં..

આવી ન આવી એ સુરત શમણે,
ત્યાં ક્યારે ખોવાઇ ગઈ?
હું તો જોતી ને જોતી રહી..
મારા લાલ રે લોચનીયામાં..

છોને સૂરજ એ સૂરજ ના રહે,
સૂધા સૂધા કરણી ફૂટે,
છોને સમય નીજ સાંજ બનાવીને
ભાવી તારલીયાનું તેજ લુટે,
તુટે ના તાર લાગ્યો હૈયાના હારનો,
છોને થવાની થઈ,
હું તો જોતી ને જોતી રહી..
મારા લાલ રે લોચનીયામાં..

સ્વર: વિરાજ – બીજલ ઉપાધ્યાય

ગોત્યો મેં ઉષામાં, ગોત્યો મેં સંધ્યામાં
ગોતી ગોતી થાકી તો યે ક્યાંક ના જડે
મારા સાથિયામાં એક રંગ ઓછો પડે

ઓલ્યો કાજળનો રંગ, ઓલ્યો કુમકુમનો રંગ
ઓલી મહેંદીનો રંગ, ફોર્યાં ફૂલડાંનો રંગ
મારા નંદવાયા કાળજાની કોર ના ચડે
મારા સાથિયામાં એક રંગ ઓછો પડે

રંગીલો મોરલો ને નવલી કંકાવટી
સપ્તરંગી લહેરીયું વર્ષા લહેરાવતી
મારી સંગ મારા આંસુનો રંગ પણ રડે
મારા સાથિયામાં એક રંગ ઓછો પડે

પુરી અધુરી મારા જીવનની રંગોળી
કોણ એમાં મનગમતો રંગ દેશે ઢોળી
હું રંગથી ભરી છતાં ન રંગ સાંપડે
મારા સાથિયામાં એક રંગ ઓછો પડે