તારા બગીચામાં રહેતી ગઈ – પન્ના નાયક
April 28th, 2009
2 comments
સ્વર: જ્હાનવી શ્રીમાંનકર
તારા બગીચામાં રહેતી ગઈ
ને ટહુકાનું પંખી એક દેતી ગઈ
અને કહેતી ગઈ કે હવે જાઉ છું.
ઝાડવાની લીલેરી માયા મને,
ફૂલની સુગંધની છાયા મને,
અને વહેતા આ વાયરામાં વહેતી ગઈ,
કંઈક જન્મોની વાતને ઉકેલતી ગઈ
અને કહેતી ગઈ કે હવે જાઉ છું.
આ દિવસ ને રાતની કળીઓ ખૂલી,
અહીં પળપળના ગુંજનની ગાથા ઝૂલી,
હું તો ભમતી ગઈ ને કશું ભૂલતી ગઈ
ને યાદ કરતી ગઈ,
અને કહેતી ગઈ કે હવે જાઉ છું.
———————————————-
આ ગીત કવિયીત્રીનાં પોતાના સ્વરમાં સાંભળો: ઊર્મિસાગર
તેમની અન્ય રચનાઓ માણો: વિદેશિની
