Archive

Click play to listen all songs in ‘ભાસ્કર શુક્લ’ Category
This text will be replaced by the flash music player.

સપનાં રૂપેય આપ – બરકત વિરાણી ‘બેફામ’

July 27th, 2007 No comments

સ્વર: ભાસ્કર શુક્લ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

સપના રૂપેય આપ ન આવો નજર સુધી;
ઊડી ગઈ છે નીંદ હવે તો સહર સુધી.

મારા હ્રદયને પગ તળે કચડો નહીં તમે,
કે ત્યાંના માર્ગ જાય છે ઈશ્વરના ધર સુધી.

શ્રદ્ધાની હો સુવાસ, પ્રતિક્ષાનો રંગ હો,
એવાં ફૂલો ખીલે છે ફક્ત પાનખર સુધી.

આંખોમાં આવતાં જ એ વરસાદ થઈ ગયાં,
આશાનાં ઝાંઝવાં જે રહ્યા’તાં નજર સુધી.

મૈત્રીનાં વર્તુળોમાં જનારાની ખેર હો,
નીકળી નહીં એ નાવ જે પહોંચી ભંવર સુધી.

ઉપકાર મુજ ઉપર છે જુદાઈની આગનો,
એક તેજ સાંપડ્યું છે તિમિરમાં સહર સુધી.

મંજિલ અમારી ખાકમાં મળતી ગઈ સદા,
ઊઠતા રહ્યા ગુબાર અવિરત સફર સુધી.

‘બેફામ’ તોયે કેટલું થાકી જવું પડ્યું ?
નહિ તો જીવનનો માર્ગ છે ઘરથી કબર સુધી.

taintedsong.com taintedsong.com taintedsong.com

તું રાધા કેમ રીસાણી….

July 25th, 2007 1 comment

સ્વર: ભાસ્કર શુક્લ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

તું રાધા કેમ રીસાણી છે, તારી આંખ કેમ ભીંજાણી,
તું મનમાં કેમ મુંઝાણી છે, તારી આંખ કેમ ભીંજાણી.

કહે કડવા વેણ કહ્યાં તુજને, તારા મનનું દુ:ખ તું કહે મુજને
તું દિલમાં કેમ દુભાણી છે, તારી આંખ કેમ ભીંજાણી.

વ્રજ નારી ઘણી છે મતવાલી, તે સૌ માં તું મુજને વ્હાલી,
મારા હ્રદય કમળની તું રાણી છે, તારી આંખ કેમ ભીંજાણી.

તને બંસી ગમે તો બંસી દઉં, જીવનભર તારો થઇ ને રહું,
તારી વેણી કેમ વિખાણી છે, તારી આંખો કેમ ભીંજાણી.

તારા આસુંડા હું લુછી નાખું, તારું નામ સદા આગળ રાખું
એ સાચી મારી વાણી છે, તારી આંખ કેમ ભીંજાણી

રાધાને રીઝવી ગાવિંદનાથે, વા’લા રાસ રમ્યા સૌની સાથે,
એવી પ્રિત પ્રભુની પુરાણી છે, તારી આંખો કેમ ભીંજાણી.

taintedsong.com taintedsong.com taintedsong.com

સમય મારો સાધજે વ્હાલા – સંત પુનીત

July 2nd, 2007 6 comments

સ્વર: ભાસ્કર શુક્લ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

સમય મારો સાધજે વ્હાલા, કરું હું તો કાલાવાલા
સમય મારો સાધજે વ્હાલા, કરું હું તો કાલાવાલા

અંત સમય મારો આવશે ને, નહિ દેહનું રહે ભાન
એવે સમય મુખ તુલસી દેજે, દેજે યમુના પાન … સમય મારો

જીભલડી મારી પરવશ બનશે, હારી બેસીશ હું હામ,
એવે સમય મારે વ્હારે ચડીને, મુખે રાખજે તારું નામ … સમય મારો

કંઠ રુંધાશે ને નાડિયું તૂટે, તૂટે જીવનનો દોર,
એવે સમય મારા અલબેલાજી, કરજે બંસીનો સૂર … સમય મારો

આંખલડી મારી પાવન કરજે, દેજે એક જ ધ્યાન,
શ્યામસુંદર તારી ઝાંખી કરીને, ‘પુનિત’ છોડે પ્રાણ … સમય મારો

taintedsong.com taintedsong.com taintedsong.com