સ્વર: સાધના સરગમ, પાર્થિવ ગોહિલ

ગાગરમાં પાણી છલકવાનું છે
જોબનિયું આજે ઝલકવાનું
જ્યાં જ્યાં તમારાં પગલાં પડ્યાં
ઝાંઝરને ત્યાં ત્યાં ઝામકવાનું છે
ગાગરમાં પાણી..

કેસર ગુલાબી ચૂનરીની સંગ,
સજનીને સાંજે મળવાનું છે
મઢૂલી બનાવી કાન્હાની સંગ
મુરલીના નાદે મટકવાનું છે
ગાગરમાં પાણી..

નજર્યુંથી નજરને મળવાનું છે
ઝરમર ઝરમર વરસવાનું છે
ફૂલોની સંગે મહેકવાનું છે
લજામણી થઈ શરમવાનું છે
ગાગરમાં પાણી..

ઊભરતી ઉંમરને તલસવાનું છે
આશિક આ દિલને બહેકવાનું છે
મુખડું તમારું પૂનમવાનું છે
મધરાતે શમણામાં મળવાનું છે
ગાગરમાં પાણી..

સ્વર: સાધના સરગમ, શાન

કરીએ નિત્ય વંદન ઓ જગતપિતા,
આપો મતિ એવી રહીએ તુજથી ડરતા,
કરી શકીએ જગતમાં અમે સર્વ કામ,
તુજ અમ માતાને તુજ છે પિતા.

કરો કૃપા પ્રભુ, આપો આશિષ વિભુ
કરો કૃપા પ્રભુ, કરો કલ્યાણ સર્વદા.

અંતરની આંખો તમે અમને આપી,
સીમા ઉપકારની ના શકાય માપી.
રહીએ નિષ્કામ અમે, ના મનમાં આંખોથી વિકાર,
રહેમ કરો પ્રભુજી, હૈયે ના હમ ના શિકાર,
રહે યાદ તારી અંતરમાં વ્યાપી.

કરો કૃપા પ્રભુ, આપો આશિષ વિભુ
કરો કૃપા પ્રભુ, કરો કલ્યાણ સર્વદા.

ના છીએ ના થઈએ અમે પરાધીન,
કરી સદા ઉદ્યમ બનીએ સ્વાધીન.
કલાને સંગીતની કરીએ સાધના,
પ્રેમથી કરતા રહીએ તારી આરાધના,
આપો શક્તિ એવી થાય સફળ ઉપાસના.

કરો કૃપા પ્રભુ, આપો આશિષ વિભુ
કરો કૃપા પ્રભુ, કરો કલ્યાણ સર્વદા.

સ્વર: સુદેશ ભોંસલે, સાધના સરગમ

“વિતી ગયા છે દિન બધા છતાં અજવાસ બાકી છે,
પ્રણયની કે પ્રલયની એ હજી એક રાત બાકી છે.”

મચલતી હવાઓ, લચકતી લતાઓ
છલકતી જુવાની ગુલોથી વધાવો,
પધારો વસંતો આ આંગણ સજાવો.

લટકતી લટોથી ન નજરો બચાવો
ઉઠાવો મિલાવો ઝુકેલી નિગાહો,
જો બદલાય મોસમ ન બદલો અદાઓ
પધારો વસંતો આ આંગણ સજાવો.

અગન છે દિલોમાં, દિલોને મિલાવો
કરી છે જે વાતો ના એને ભુલાવો,
રસીલી તમારી રીસાઈ મનાવો
પધારો વસંતો આ આંગણ સજાવો.

દિવાલો બની છે ત્યાં ઘરને વસાવો
બનીને દુલ્હન આ ડેલામાં આવો,
ભરી સેંથી સિંદુર દિવો તો જગાવો
પધારો વસંતો આ આંગણ સજાવો.

સ્વર: સાધના સરગમ

આંખડી હો તારી આંખડી,
તારી આંખડી ઝબકી જાય,
સખી રંગભરી તારી આંખડી.

વિજ સમી ઝબકી, હૈયામાં ઉતરી,
જાતાં દઝાડી ગઈ એકદમ ચમકી;
લજવાતી લહેરી જાય..
સખી રંગભરી તારી આંખડી..

હૈયું ઝબકાવતી, નૈના તલસાવતી,
હૈયાનાં અમૃતને હેતે છલકાવતી;
મારા હૈયાને ભીંજવતી જાય..
સખી રંગભરી તારી આંખડી..

ઝબકી ઝબકાવતી, પલકારા મારતી,
મીઠા મધુર કોડ હૈયે રેલાવતી,
સુના સપના સંકોરતી જાય..
સખી રંગભરી તારી આંખડી..

સ્વર: સાધના સરગમ

દરિયામાં હોય એને મોતી કહેવાય છે.
તો આંખોમાં હોય તેને શું?
અમે પૂછ્યું: લે બોલ હવે તું.

પંખી વછોઈ કોઈ એકલી જગ્યાને તમે માળો કહેશો કે બખોલ?
જોવાતી હોય કોઈ અવ્યાની વાટ ત્યારે ભણકારા વાગે કે ઢોલ?
બોલો સુજાણ, ઊગ્યું મારામાં ઝાડવું કે ઝાડવામાં ઊગી છું હું?
અમે પૂછ્યું: લે બોલ હવે તું.

ઊંચી ઘોડી ને ઊંચો અસવાર: એના મારગ મોટા કે કોલ મોટા?
દરિયો તરવાની હોડ માંડે તો દરિયાનું પાણી જીતે કે પરપોટા?
સૂરજ ન હોય તેવી રાતે ઝીંકાય છે એ તડકાઓ હોય છે કે લૂ?
અમે પૂછ્યું: લે બોલ હવે તું.

સ્વર: સાધના સરગમ, નીતિન મુકેશ, સુદેશ ભોંસલે

ૐ નમઃ શિવાય..
ૐ જીવનનો મર્મ છે, ૐ જીવનનો ધર્મ છે;
ૐ બ્રહ્મનો તાગ છે, ૐ જીવનનો સાર છે

એક ટીપું બનીને મારે રહેવાનું છે તારા ધોધમાં,
સૂરોથી સજવાનું છે, ગીત ગાવાના છે,
ઊછળી ઊછળીને નાચ કરવાના છે તારા ધોધમાં.
એક ટીપું બનીને..

સાંજ ને સવારના કોમળ તડકામાં આસમાને રંગ મહેંદી રંગાવીને,
અને રઢીયાળી રાતડીમાં રમવા રાસે ચન્દ્રકિરણોની ચૂંદડી ચમકાવીને ,
વાંસલડીના નાદમાં ઘેલી થઈને કૃષ્ણ સંગે રહીને મારે રહેવાનું છે તારા ધોધમાં.
એક ટીપું બનીને..

ઉપરથી પડું એવો શ્વેત થઈ જાઉં ને ધુમ્મસની જેમ હું એવો વીખરાઉં,
ને શિવનું ધનુષ્ય બની એવો છવાઉં ને બ્રહ્મ તણા નાદનું રટણ કરતો જાઉં,
આકાશનું કહેવું કે તારે મોડું થયું આવ પાસે મારી ક્યાં સુધી રહેવું છે આ ધોધમાં.
એક ટીપું બનીને..

સંગીત/સ્વરાંકન: શ્યામલ – સૌમિલ મુનશી
સ્વર: સાધના સરગમ, રૂપકુમાર રાઠોડ

ના તને ખબર પડી, ના મને ખબર પડી,
કે હું પ્રેમમાં પડ્યો કે તું પ્રેમમાં પડી;
કારણમાં આમ કંઈ નહીં બે આંખ બસ લડી,
ને તું પ્રેમમાં પડ્યો ને હું પ્રેમમાં પડી.

બંનેના દિલ ઘડકતાં હતાં જે જુદાં જુદાં,
આ પ્રેમ એટલે કે એને જોડતી કડી;
શરમાઈ જતી તોય મને જાણ તો થતી;
મારી તરફ તું જે રીતે જોતો ઘડી ઘડી.
હૈયુંના રહ્યું ન હાથ, ગયું ઢાળમાં દડી;
મેળામાં કોણ કોને ક્યારે ક્યાં ગયું જડી.

ઢળતા સૂરજની સામે સમંદરની રેતમાં,
બેસી શકે તો બેસ અડોઅડ અડી અડી;
મારા વિના ઉદાસ છું એ જાણું છું પ્રિયે
મેં પણ વિતાવી કેટલી રાતો રડી રડી.
મેં સાચવ્યો ’તો સોળ વરસ જે રૂમાલને;
તું આવ્યો જ્યાં નજીકને ત્યાં ઉકલી ગઈ ગડી.
————————————
ફરમાઈશ કરનાર મિત્ર: ઈશા

સ્વર: સાધના સરગમ

અમે ગીત ગગનનાં ગાશું રે,
અમે ગીત મગનમાં ગાશું,
કલ-કલ પૂજન સુણી પૂછશો તમે,
અરે છે આ શું?
અમે ગીત ગગનનાં ગાશું રે..

સૂર્ય ચંદ્ર ને દીયો ઓલવી,
ઠારો નવલખ તારા,
હથેળી આડી રાખી રોકો,
વરસંતી જલધારા,
અમે સૂર સરિતમાં ન્હાશું રે..

પંખી માત્રને મુનિવ્રત આપો,
ચૂપ કરી દો ઝરણા,
પૂરો બેડીમાં હૃદય હૃદય પર,
નરતંતા પ્રભુ ચરણા,
પૂર મૂકી મોકળાં ગાશું રે..

બાળક હાલરડા માગે ને,
યૌવન રસભર પ્યાલા,
પ્રૌઢ ભજન ભણકાર ચહે,
આપે કોઈ મતવાલા,
અમે દિલ દિલ ને કંઈ પાશું રે..

સ્વર: સાધના સરગમ

શ્રાવણની એ સાંજ હતી, શ્રાવણની એ સાંજ હતી
સરક્યાં સાળુડે સંતાયા લોચનમાં કઇ લાજ હતી
શ્રાવણની એ સાંજ હતી….

આંખ કટોરે રંગ આંસુનો, પાંપણ કેરી પીંછી
એ રંગે રંગાયી સંધ્યા અંતરનો અંદાઝ હતી
શ્રાવણની એ સાંજ હતી….

શ્યામલ નભ ઘનશ્યામ થઇને છેડે મુરલી શ્રાવણની
ઘન ગગનમાં સર્જાયી જાણે ગલી ગોકુળ વૃંદાવનની
નીતરતી વર્ષા ઘેલી કોઇ ગોપીનો અવાજ હતી
શ્રાવણની એ સાંજ હતી….