Archive

Click play to listen all songs in ‘દીપ્તિ દેસાઈ’ Category
This text will be replaced by the flash music player.

મને શંકા પડે છે – જલન માતરી

August 18th, 2008 6 comments

સ્વર: દીપ્તિ દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

મને શંકા પડે છે કે, દિવાના શું દિવાના છે?
સમજદારી થી અળગા થઈ જવાના સૌ બહાના છે.

ખુદા અસ્તિત્વને સંભાળજે, કે લોક દુનિયાનાં,
કયામતમાં એ તારી રૂબરૂ ભેગા થવાના છે.

સજા દેતો નથી એ, પાપીઓને એટલા માટે,
મરી ને આ જગતમાંથી, બીજે એ ક્યાં જવાના છે?

રહે છે આમ તો શેતાનના કબજા મહીં તો પણ,
‘જલન’ને પૂછશો તો કહેશે કે, બંદા ખુદાના છે.
———————————————-
ગઝલનાં અન્ય શેર અહીં વાંચો: કવિલોક

taintedsong.com taintedsong.com taintedsong.com

તું તો છોડી દે આવા તોફાન – જયલાલ નાયક

July 23rd, 2008 4 comments

સ્વર: દીપ્તિ દેસાઈ, નિસર્ગ ત્રિવેદી

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

તું તો છોડી દે આવા તોફાન,
તારી સાથે ના બોલું ના બોલું રે..

હું તો પંખી બનીને આકાશે ઉડું,
હું તો તીર મારેને તને ઘાયલ કરું,
તારા તીરનાં નિશાન હું ચૂકાવું,
તારી સાથે ના બોલું ના બોલું રે..

હું તો માછલી બની ને જળમાં તરું,
હું તો જાળ નાખીને તને પકડી પાડું,
તારી જાળનાં નિશાન હું ચૂકાવું,
તારી સાથે ના બોલું ના બોલું રે..

હું તો નાગણ બનીને જંગલમાં ફરું,
હું તો મોરલી વગાડી તને વશમાં કરું,
તારી મોરલીનાં નાદ ના સુણાવું,
તારી સાથે ના બોલું ના બોલું રે..

taintedsong.com taintedsong.com taintedsong.com

મારા હૈયામાં હેતનો ઉછાળો – તુષાર શુક્લ

July 8th, 2008 5 comments

સ્વર: દીપ્તિ દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

મારા હૈયામાં હેતનો ઉછાળો,
વાલમ સમજે ના આંખનો ઉલાળો;
એને કેમ કરી સમજાવું મારે,
હાલ સંગાથે ગુંથીએ માળો.

આંખના ઈશારામાં સમજે ના કંઈ,
મને બોલવામાં લાગે શરમ,
હૈયાથી હોઠ લગી મારગ કપાય નહીં,
સમજે ના વાતનો મરમ,
સાવ સુની છે દલડાની ડાળો..
હાલ સંગાથે ગુંથીએ માળો..

ઓઠણીને આભલાથી ચાંદરડું પાડું,
મારા વાલમનાં ઓરડાની ભીંતે,
ચાંદરડું ઝાલવાને લંબાતો હાથ,
મને ઘેલી કરી છે એની પ્રિતે,
હું તો સથવારો ઝંખુ હુંફાળો..
હાલ સંગાથે ગુંથીએ માળો..

taintedsong.com taintedsong.com taintedsong.com

રાત ગઝલની – તુષાર શુક્લ

June 18th, 2008 12 comments

સ્વર: દીપ્તિ દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ભૂલી નથી હું રેશમી એ રાત ગઝલની,
માંડી હતી વરસાદમાં તેં વાત ગઝલની.

તેં હાથ મારો હાથમાં લીધો હતો અને,
લાગ્યું મને કે થઈ ગઈ મુલાકાત ગઝલની.

ચહેરેથી હટાવી હતી તેં ઝુલ્ફ રેશમી,
આમ જ થતી હશે ને શરૂઆત ગઝલની.

કંપી ઉઠેલા હોઠ હથેલી ઉપર મૂક્યા,
આથી સરસ હોય શું રજૂઆત ગઝલની.

દીવો થઈને ઝળહળ્યાં તારી ગઝલનાં શેર,
આંખોમાં રોશનીએ રચી ભાત ગઝલની.

taintedsong.com taintedsong.com taintedsong.com

એક સરખા દિવસ સુખના – પ્રભુલાલ દ્વિવેદી

May 1st, 2008 11 comments

મિત્રો,

આજે ૧ મે, આપ સૌને ગુજરાત દિનની શુભેચ્છાઓ. આજનાં દિવસે સાંભળીએ જૂની ગુજરાતી રંગભૂમિ પર ભજવાયેલું એક એવું ગીત જેમાં જીવનનું સત્વ અને તત્વ વ્યક્ત થાય છે. નાટક ‘માલવપતિ મુંજ’માં રજૂ થયેલા આ ગીતનું મુખડું તો આજે કહેવત બની ગયું છે. જય ગુર્જરી.

સ્વર: દીપ્તિ દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

એક સરખા દિવસ સુખના કોઈના જાતા નથી,
એથી જ શાણા સાહ્યબીમાં લેશ ફુલાતા નથી.

ભાગ્ય રૂઠે કે રીઝે એની તમા જેને નથી,
એ જ શૂરા જે મુસીબત જોઈ ગભરાતા નથી.

ખીલે તે કરમાય છે, સર્જાય તે લોપાય છે,
જે ચઢે તે પડે, નીયમ બદલાતા નથી.

————————————————–
સાથે સાંભળો જૂની ગુજરાતી રંગભૂમિનાં અન્ય બે ગીતો:
મીઠા લાગ્યા તે મને – પ્રભુલાલ દ્વિવેદી
સાહ્યબો મારો ગુલાબનો છોડ – રઘુનાથ બ્રહ્મભટ્ટ

taintedsong.com taintedsong.com taintedsong.com