મૌસમનું ખાલી નામ છે – તુષાર શુક્લ

આલ્બમ:ગીત ગુંજન
સ્વરકાર:ક્ષેમુ દિવેટિયા
સ્વર:શ્યામલ મુન્શી, સૌમિલ મુન્શી

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


મૌસમનું ખાલી નામ છે, આ તારું કામ છે
રંગોની સુરાહીમાં સુગંધોના જામ છે.

વરસે છે વાદળોથી જે એ તારું વ્હાલ છે,
નખશીખ જે ભીંજાય છે એ હૈયાનું ગામ છે.

શોધીશ તોયે નહીં મળે નકશામાં એ તને,
નકશાની બહારનું છે એ સપનાનું ગામ છે.

હેમંતને, વસંતને વર્ષાની વાત ક્યાં?
તારા જ છે સ્વરૂપ ને તારો દમામ છે.

આને જ તે કહેતા હશે દીવાનગી બધાં,
કોઈ પૂછે ને કહી ના શકું વાત આમ છે.

મઝા મૂકીને દોડતો દરિયો એ આંબશે
રેતીમાં આંગળીથી લખ્યું એનું નામ છે.

ભીની અજાણી ભીંત પરની લીલમાં હજુ,
ગઈકાલે કોતર્યું હતું એ કોનું નામ છે?

મૌસમ તારી યાદની મૌસમ બની ગયી,
મક્તાના શેરમાં હવે છેલ્લી સલામ છે.

Please follow and like us:
Pin Share
  1. Shrenik SHAH
    July 26th, 2010 at 09:40 | #1

    ખુબ જ સુંદર. આજે જ પોસ્ટ થઇ અને આજે જ સાંભળી. સુન્દર રચના, સુંદર શબ્દો અને સુંદર અવાજ.

  2. યજ્ઞાંગ પંડયા
    March 22nd, 2011 at 15:47 | #2

    ક્ષેમુ કાકા ધ ક્લાસિક કોમ્પોસર એવર ….
    તુષારભાઈ ના શબ્દો અને શ્યામલ- સૌમિલ મુન્શી નો સ્વર …
    ક્યાં બાત …
    સાંભળવા ની મજા આવી ….
    આભાર રણકાર …..

  3. maan patel
    September 29th, 2012 at 05:09 | #3

    mast majani gajal se sabhalo ane tajgi melavo

  1. No trackbacks yet.