સ્વર: ઐશ્વર્યા હિરાની, સુપલ તલાટી
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ઈલા! તારી કિટ્ટા! કનુ! તારી કિટ્ટા! ઈલા! તારી કિટ્ટા!
મારી પાસે મીઠી મીઠી શેરડી ને શીંગો,
લે હવે તું લેતો જા હું આપું તને ડિંગો.
મારી પાસે ખાટી મીઠી આંબલી ને બોર,
એકે નહીં આપું તને છોને કરે શોર.
જાણે હું તો આંબલી ને બોરનો તું ઠળિયો,
ભોગ લાગ્યા ભાયગના કે ભાઈ આવો મળિયો.
બોલી બોલી વળી જાય જીભનાં છો કુચ્ચા,
હવે કદી કરું નહીં તારી સાથે બુચ્ચા.
જા જા હવે લુચ્ચા!
ઈટ્ટા ને કિટ્ટાની વાત અલ્યા છોડ:
ભાઈ બહેન કેરી ક્યાંય જોઈ એવી જોડ.
સ્વર: દ્રવિતા ચોક્સી
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
હોય એક સુંદર ચોકલેટનો બંગલો,
ચમકતો ચાંદામામા કેરા રંગનો;
ચોકલેટનાં બંગલાને ટોફીનાં દ્વાર,
ખિસકોલી પૂંછડે ઝાડુનો માર.
હોય એક..
ગોળ ગોળ લેમનનો ગોખલો છે નાનો,
હેલો હેલો કરવાને ફોન એક છાનો;
બિસ્કીટને ટોડલે સુંદર છે મોર,
પીપરમીંટનાં આંગણામાં લાલ ફૂલ ડોલ.
હોય એક..
ચાંદીના ઝાડ પાછળ ચાંદામામા ભમતા,
મોતીનાં ફલોમાં સંતાકૂકડી રમતા;
ઊંચે ઊંચે હિંચકો ખૂબ ઝૂલે ઝૂલ,
મેનાનું પીંજરૂં ટાંગે રંગલો.
હોય એક..
સ્વર: કિન્નરી મહેતા
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
બોલો થેન્ક યુ… થેન્ક યુ… થેન્ક યુ વેરીમચ
ઉપકાર કર્યા અમ પર તમે તેથી થેન્ક યુ વેરીમચ
મમ્મી પપ્પાના ચરણો ચુમીને કહીએ થેન્ક યુ.. થેન્ક યુ..
જાત દુ:ખ વેઠીને અમને જીવનનું સુખ આપ્યું,
મમ્મી થેન્ક યુ, પપ્પા થેન્ક યુ, થેન્ક યુ વેરીમચ
ઉપકાર કર્યા અમ પર તમે તેથી થેન્ક યુ વેરીમચ
સંત ગુરૂ ઋષીમુનીઓ ને ભાવ થી કહીએ થેન્ક યુ.. થેન્ક યુ..
અજ્ઞાની અંધારા હટાવી ભાવ નું તેજ વધાર્યું,
ગુરૂ થેન્ક યુ, ટિચર થેન્ક યુ, થેન્ક યુ વેરીમચ
ઉપકાર કર્યા અમ પર તમે તેથી થેન્ક યુ વેરીમચ
વૃક્ષ નદી સુરજદાદા ને ભાવથી કહીએ થેન્ક યુ.. થેન્ક યુ..
ફળ ફૂલો જળ તેજ આપીને જીવન ને સવાર્યું,
વૃક્ષો થેન્ક યુ, નદી થેન્ક યુ, દાદા થેન્ક યુ વેરીમચ
ઉપકાર કર્યા અમ પર તમે તેથી થેન્ક યુ વેરીમચ
સુંદર જીવન આપ્યું તેથી પ્રભુને કહીએ થેન્ક યુ.. થેન્ક યુ..
મન બુધ્ધી આપી હ્રદયને ભાવથી ખુબ સજાવ્યુ,
પ્રભુ થેન્ક યુ, હરિ થેન્ક યુ, તમને થેન્ક યુ વેરીમચ
ઉપકાર કર્યા અમ પર તમે તેથી થેન્ક યુ વેરીમચ
બોલો થેન્ક યુ… થેન્ક યુ… થેન્ક યુ વેરીમચ
ઉપકાર કર્યા અમ પર તમે તેથી થેન્ક યુ વેરીમચ
મૈત્રી… મૈત્રી એટલે એવું મંદિર જેની ધજા પવન વગર પણ ફરફરતી રહે છે. મૈત્રી એટલે એવો ખભો જેના શર્ટને કોલર નથી હોતા. ટીકીટ વગરની સફર છે આ મૈત્રી. આપણા કોઇ એક મિત્રનુ નામ ચંદુ તો હોય જ છે અને જો નથી હોતું તો આપણે પાડી દઇએ છિએ. તો આ સરસ મજાનું બાળગીત મારા એ મિત્રો માટે જેમનું નામ મેં ચંદુ પાડ્યું અને એ મિત્રો માટે પણ જેમણે મારું નામ ચંદુ પાડ્યું.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
હું ને ચંદુ છાનામાના કાતરિયામાં પેઠા,
લેસન પડતું મૂકી, ફિલમ ફિલમ રમવા બેઠા.
મમ્મી પાસે દોરી માંગી, પપ્પાની લઈ લૂંગી,
પડદો બાંધી અમે બનાવી ફિલમ એની મૂંગી.
દાદાજીના ચશ્માંમાંથી કાઢી લીધો કાચ,
એનાથી ચાંદરડા પાડ્યા પડદા ઉપર પાંચ.
ચંદુ ફિલમ પાડે ત્યારે જોવા આવું હું,
હું ફિલમ પાડું તો જોવા આવે છે ચંદુ.
કાતરિયામાં છુપાઈને બેઠી’તી બિલ્લી એક,
ઉંદરડીને ભાળી એણે તરત લગાવી ઠેક.
ઉંદરડી છટકી ને બિલ્લી ચંદુ ઉપર આવી,
બીક લાગતા ચંદુડીયાએ બુમાબુમ જગાવી.
દોડમદોડા ઉપર આવી પહોંચ્યા મમ્મી-પપ્પા,
ચંદુડીયાનો કાન આમળ્યો, મને લગાવ્યા ધબ્બા.
રજુ કરું છું એક સુંદર બાળગીત…
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
એકડો સાવ સળેખડો, બગડો ડિલે તગડો
બંન્ને બથ્થંબથ્થા બાઝી, કરતા મોટો ઝગડો
તગડો તાળી પાડે, ને નાચે તાતાથૈ
ચોગડાની ઢીલી ચડ્ડી સરરરર ઉતરી ગઇ
પાંચડો પેંડા ખાતો એની છગડો તાણે ચોટી
સાતડો છાનો માનો સૌની લઇ ગયો લખોટી
આઢડાને ધક્કો મારી નવડો કહેતો ખસ
એકડે મીંડે દસ વાગ્યા, ત્યાં આવી સ્કૂલની બસ
—————————————-
સૌજન્ય: ટહુકો
તાજેતરનાં અભિપ્રાયો