આલ્બમ:
અણમોલસ્વર:
મનહર ઉધાસAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
જે હતું ધાર્યું કદી તે કામ કઈ આવ્યું નહીં,
એ હતાં સામે છતાં મારાથી બોલાયું નહીં.
વૈદ્ય સૌ લાચાર થઈ, નિરાશ થઈ પાછા ગયા,
દર્દ મારા દિલ તણું તેઓથી પરખાયું નહીં.
કોણ જાણે એ હતી કેવી વિરહની રાત કે,
આંખમાં આંસુ હતાં પણ સ્હેજ રોવાયું નહીં.
કોણ ‘બેદાર’ સંભાળે ને કોણ આપે દાદ,
જે બધા શ્રોતાને ગમતું તે તમે ગયું નહીં.
આલ્બમ:
અણમોલસ્વર:
મનહર ઉધાસAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
હું ચહેરો ત્યાં જ છોડીને તને મળવા નહીં આવું,
કે દર્પણ તોડી-ફોડીને તને મળવા નહીં આવું.
ખુમારી તો ખરેખર વારસાગત ટેવ છે મારી,
હું મારી ટેવ છોડીને તને મળવા નહીં આવું.
કહે તો મારું આ માથું મૂકી લાવું હથેળી પર,
પરંતુ હાથ જોડીને તને મળવા નહીં આવું.
ટકોરા દઈશ પણ દરવાજો તારે ખોલવો પડશે,
કોઈ દીવાલ તોડીને તને મળવા નહીં આવું.
આલ્બમ:
અણમોલસ્વર:
મનહર ઉધાસAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
શબ્દોથી મન મોકળું થઈ જાય ત્યારે આવજે
મૌન જયારે તારાથી સહેવાય ત્યારે આવજે
છે તું હમણા વ્યસ્ત તારી જાતના શૃંગારમાં
આઈનો જોઈ તને તરડાય ત્યારે આવજે
તારી માફક સ્વસ્થ રહેવા હું કરીશ કોશિશ જરૂર
પણ એ કોશિશમાં નયન છલકાય ત્યારે આવજે
ફક્ત હમણાં કે અહીં પૂરતો નથી સંબંધ આ
કાળસ્થળ તારાથી ઓળંગાય ત્યારે આવજે
તું નહીં આવી શકે તારા અહમને છોડીને
મારો ખાલીપો તને વરતાય ત્યારે આવજે
આલ્બમ:
અણમોલસ્વર:
મનહર ઉધાસAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
હાં રે અમે ફૂલ નહિ રંગના ફુવારા
સુગંધના ઉતારા,
કે વાયરે ઝૂલી પડ્યા..
હાં રે અમે હરણુંના પગની ઉતાવળ,
સુગંધની પાછળ
કે રાનમાં ઝૂરી મર્યા..
હાં રે મીરાં તે બાઈના ગાયાં,
પવનમાં વાયાં;
કે ફૂંકમાં ખરતાં ગયા..
હાં રે અમે ટહુકામાં તરફડતી કોયલ,
કબીરની ચોયલ;
કે ગીતને આંબે બોલે..
હાં રે અમે પડછાયા ફોરમના જોયા,
કે ધોધમાર રોયા;
કે ચડતા લાંબે ઝોલે..
હાં રે અમે ઉડતી પતંગના ઝોલા
ને હાથમાં દોરા;
કે આભમાં ગોથે ચડ્યા..
હાં રે અમે શાયરના કંઠથી છૂટ્યા,
કે લયમાં તૂટ્યા;
કે ગીતની અધુરી કડી..
હાં રે અમે છાકટા છકેલ કોઈ છોરા,
દેખાઈ એ ઓરા;
કે વાતમાં દૂરી પડી..
આલ્બમ:
અણમોલસ્વર:
મનહર ઉધાસAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
લાલાશ આખા ઘરની હવામાં ભરી જઈશ
ગુલમ્હોર મારી લાગણીનો પથારી જઈશ
ઉડતાં ફૂલોની કલ્પનાને સાચી પાડવા
આપી મહેંક પતંગિયાને હું ખરી જઈશ
આખુયે વન મહેંકતું રહેશે પછી સદા
વૃક્ષોના થડમાં નામ લીલું કોતરી જઈશ
હું તો છું પીંછુ કાળના પંખીની પાંખનું
સ્પર્શું છું આજ આભને કાલે ખરી જઈશ
મારો અભાવ મોરની માફક ટહુકશે
ઘેરાશે વાદળો અને હું સાંભરી જઈશ
તાજેતરનાં અભિપ્રાયો