Archive

Click play to listen all songs in ‘મીરાંબાઈ’ Category
This text will be replaced by the flash music player.

હરિ વસે હરિના જનમાં – મીરાં

May 20th, 2010 3 comments
આલ્બમ:સમન્વય ૨૦૦૯
સ્વરકાર:પુરષોત્તમ ઉપાધ્યાય
સ્વર:સચિન લિમયે

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


હાં રે હરિ વસે હરિના જનમાં,
હાં રે તમે શું કરશો જઈ વનમાં.
હાં રે હરિ..

ભેખ ધરીને તમે શીદ ભટકો છો,
પ્રભુ નથી વન કે અરણ્યમાં;
કાશી જાઓ, ગંગાજી ન્હાવો,
પ્રભુ નથી પાણી કે પવનમાં.
હાં રે હરિ..

જોગ કરો ને ભલે જગન કરવો,
પ્રભુ નથી હોમ હવનમાં;
બાઈ મીરાં કે પ્રભુ ગિરિધર નાગર,
હરિ વસે છે હરિજનમાં.
હાં રે હરિ..

taintedsong.com taintedsong.com taintedsong.com

કાનુડો શું જાણે મારી પીડ – મીરાંબાઈ

August 18th, 2009 7 comments

સ્વર: દીપાલી સોમૈયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

કાનુડો શું જાણે મારી પીડ?
બાઈ અમે બાળ કુંવારા રે.
કાનુડો શું જાણે..

જળ રે જમુનાના અમે ભરવાને ગ્યા’તા વાલા,
કાનુડે ઉડાડયા આછાં નીર, ઉડયા ફરરર રે.
કાનુડો શું જાણે..

વૃંદા રે વનમાં વા’લે રાસ રચ્યાં છે,
સોળસે ગોપીના તાણ્યા ચીર, ફાટ્યાં ચરરર રે.
કાનુડો શું જાણે..

જમુનાને કાંઠે વા’લો ગોધણ ચારે રે,
વાંસળી વગાડી ભાગ્ય ઢોર, ભાગ્યાં હરરર રે.
કાનુડો શું જાણે..

હું વરણાગી કાના તમારા રે નામની રે,
કાનુડે માર્યાં છે અમને તીર, વાગ્યાં અરરર રે.
કાનુડો શું જાણે..

બાઈ મીરાં કે પ્રભુ ગીરીધર નાગર,
કાનુડે બાળીને કીધા ખાક, રાખ ઉડી ખરરર રે.
કાનુડો શું જાણે..

taintedsong.com taintedsong.com taintedsong.com

મુખડાની માયા લાગી રે – મીરાંબાઈ

December 10th, 2008 4 comments

સ્વર: દિપાલી સોમૈયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

મુખડાની માયા લાગી રે, મોહન પ્યારા
મુખડાની માયા લાગી રે..

મુખડું મેં જોયું તારું, સર્વ જગ થયું ખારું
મન મારું રહ્યું ન્યારું રે..
મોહન પ્યારા, મુખડાની માયા લાગી રે

સંસારીનું સુખ એવું, ઝાંઝવાનાં નીર જેવું
તેને તુચ્છ કરી દેવું રે..
મોહન પ્યારા, મુખડાની માયા લાગી રે

સંસારીનું સુખ કાચું, પરણી ને રંડાવું પાછું
તેને તો શીદ જાચું રે..
મોહન પ્યારા, મુખડાની માયા લાગી રે

પરણું તો પ્રીતમ પ્યારો, અખંડ સૌભાગ્ય મારો
મેં તો કરસાયો તારો રે..
મોહન પ્યારા, મુખડાની માયા લાગી રે

મીરાંબાઈ બલિહારી, આશા મુને એક તારી
સંસારથી રહી ન્યારી રે..
મોહન પ્યારા, મુખડાની માયા લાગી રે

taintedsong.com taintedsong.com taintedsong.com

ગોવિંદો પ્રાણ અમારો રે – મીરાંબાઈ

September 19th, 2008 8 comments

સ્વર: પ્રીથા મજુમદાર

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ગોવિંદો પ્રાણ અમારો રે, મને જગ લાગ્યો ખારો રે.
મને મારો રામજી ભાવે રે, બીજો મારી નજરે ન આવે રે.

વિષનો પ્યાલો રાણે મોકલ્યો, દેજો મીરાંને હાથ;
અમૃત જાણી મીરાં પી ગયાં, જેને સહાય શ્રી વિશ્વનો નાથ.

સાંઢવાળા સાંઢ શણગાર, જે મારે જાવું સો સો કોસ;
રાણાજીનાં દેશમાં મારે જળ પીવાનો દોષ.

ચૂંદડી ઓઢું ત્યારે રંગ જુવે રે, રંગબેરંગી હોય;
ઓઢું જો કાળો કામળો તું જો ડાઘ ના લાગે કોય.

મીરાં હરિની લાડલી રે, રહેતી સંત હજુર;
સાધુ સંગાથે સ્નેહ ઘણો, પેલા કપટીથી દૂર.

taintedsong.com taintedsong.com taintedsong.com

કરમનો સંગાથી – મીરાંબાઈ

February 1st, 2008 8 comments

આલ્બમ: આસ્થા
સ્વર: વિધિ મહેતા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

હેજી રે કરમનો સંગાથી, રાણા મારું કોઈ નથી..
હેજી રે કરમનો સંગાથી, રાણા મારું કોઈ નથી..

હો.. એક રે ગાયુનાં દો-દો વાછરું,
લખ્યાં એનાં જુદાં જુદાં લેખ..
એક રે બન્યો શિવજીનો પોઠિયો,
બીજો ઘાંચીડાને ઘેર.. હેજી રે કરમનો સંગાથી..

હો.. એક રે માતાનાં દો-દો દીકરા,
લખ્યાં એનાં જુદાં જુદાં લેખ..
એકને માથે રે છત્તર બિરાજે,
બીજો ભારા વેચી ખાય.. હેજી રે કરમનો સંગાથી..

હો.. એક રે માટીનાં દો-દો મોરિયા,
લખ્યાં એનાં જુદાં જુદાં લેખ..
એક રે મોરિયો શિવજીની ગળતી,
બીજો મસાણે મૂકાય.. હેજી રે કરમનો સંગાથી..

હો.. એક રે પત્થરનાં દો-દો ટુકડા,
લખ્યાં એનાં જુદાં જુદાં લેખ..
એક રે બન્યો શિવજીની મૂર્તિ,
બીજો ગંગાજીને ઘાટ..
હેજી રોહીદાસ ચરણે મીરાંબાઈ બોલીયા,
દેજો અમને સંત ચરણે વાસ.. હેજી રે કરમનો સંગાથી..

taintedsong.com taintedsong.com taintedsong.com