સ્વરાંકન: દક્ષેશ ધ્રુવ
સ્વર: અમર ભટ્ટ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
છેલ્લા કિરણને ભાળી લઉં આંખો ભરી ભરી,
પાપણને પછી ઢાળી લઉં આંખો ભરી ભરી.
આ આપણી ઉદાર ને રમણીય પૃથ્વીને,
રાજી કરું, સંભાળી લઉં આંખો ભરી ભરી.
આંજણ ની સાથ ક્યાંક તો કણું પડ્યું હશે,
હળવેથી એ પલાળી લઉં આંખો ભરી ભરી.
સ્વરાંકન: દક્ષેશ ધ્રુવ
સ્વર: અમર ભટ્ટ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
કે હે મને પાણી જેમ કોઈ સ્પર્શે
કે હે મને પાણી જેમ કોઈ સ્પર્શે..
આસપાસ દર્પણનો તડકો,
તું સૂરજના હોવાની ધારણા;
લાગણીનું રણમાં ચણાતું મકાન,
પારદર્શકતા સગપણના બારણા.
પડઘાતી દૂરતા નેવાની ધારમાં
કે ધોધમાર રોજ કોઈ વરસે.
કે હે મને પાણી જેમ કોઈ સ્પર્શે.
રોજ રોજ આંખ્યુંમાં મળવાના પંખીઓ
ઈચ્છાનું આભ લઇ આવતા;
આપના સંબંધ સખી એવા કેહવાય
જાણે શીર્ષક વિનાની કોઈ વાર્તા.
એકાદી આંગળીને બંસી બનાવી
કોઈ ફૂંકો તો ગુકુલ સળવળશે.
કે હે મને પાણી જેમ કોઈ સ્પર્શે.
સ્વર: અમર ભટ્ટ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ચાલ સખી પાંદડીમાં ઝાકળના ટીપાંની
જેમ ફરી જિંદગીને મૂકીએ,
ટેરવાનો સ્પર્શ એક ઘટના કહેવાય
કે લાગણી ગણાય એમ પૂછીએ.
વેદના તો અડીખમ ઉભો કંઠાર,
જતાં આવતાં જુવાળ ભલે કોતરે;
સુખ સાથે આપણો તો જળનો સંબંધ,
ક્યાંક રેતી ઢાંકે ને ક્યાંક ઓસરે.
છીપલાની હોડીને શઢથી શણગાર ચાલ,
કાંઠો છોડીને હવે ઝૂકીએ;
પાંદડીમાં ઝાકળનાં ટીપાંની જેમ,
ફરી ચાલ સખી જિંદગીને મૂકીએ.
ચાંદનીને ચાંદનીનું નામ નતા દે’તા,
એ વાતો અકબંધ મને યાદ છે;
વૃક્ષ પછી ડાળ પછી પંખીનો માળો,
ને ઉપર આકાશ જેવો સાદ છે.
મૂળમાંથી ફૂટે ને ટોચ લગી જાય,
એવી લાગણીને કેમ રે ઉવેખીએ;
ઝાકળશી જિંદગીને પાનની લીલાશ પરે,
ચાલ સખી એક વાર મૂકીએ.
સ્વર: અમર ભટ્ટ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
જરાયે દોસ્તો ખબર નથી કે અમોને શાની સજા મળી છે
કશુંય તોહમત નથી જ માથે વગર ગુનાની સજા મળી છે
વિનમ્ર થઈને કદાપી એકેય કરી ન ફરીયાદો જિંદગીમાં
રહી રહીને ખબર પડી કે ન બોલવાની સજા મળી છે
ઘણીય વેળા ઉભા રહ્યાં તો અશક્ત માની હટાવી દિધાં
ઘણીય વેળા સમયથી આગળ વધુ થવાની સજા મળી છે
અમારા ઘરમાં અમારા અવસર ઉપર નીમંત્ર્યા બધાને કિન્તુ
હવે અમારી સભામાંથી અમને વહી જવાની સજા મળી છે.
સ્વર: અમર ભટ્ટ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
જિંદગીને જીવવાની ફિલસુફી સમજી લીધી
જે ખુશી આવી જીવનમાં આખરી સમજી લીધી
દુ:ખતો એનું છે કે એ દુનીયાના થઇને રહી ગયા
કે જેના ખાતર મારી દુનીયા મેં જુદી સમજી લીધી
કંઇક વેળા કઇક મુદ્દતને અમે માની નથી
તો કંઇ વેળા એક પળને જિંદગી સમજી લીધી
કે હવે રહી રહીને માંગે છે પરિવર્તન ‘મરીઝ’
કે મારી બરબાદી ને જેની ખુશી સમજી લીધી.
તાજેતરનાં અભિપ્રાયો