આલ્બમ:
શબ્દનો સ્વરાભિષેકસ્વરકાર:
અમર ભટ્ટસ્વર:
અમર ભટ્ટAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
પોયણીએ ઊંચું જોયું રે આકાશમાં:
કોણ ને એ મ્હોતી,
ને નેણભરી જોતી?
કે ચાંદલો બંધાણો પાણીના પાશમાં,
પોયણીએ ઊંચું જોયું રે આકાશમાં.
તમરાંએ ગાન મહીં
વાયરાને કાન કહી
વંન વંન વાત વહી,
‘ઢૂંઢતી એ કોને રે આટલા ઉજાશમાં ?’
પોયણીએ ઊંચું જોયું રે આકાશમાં.
અંકમાં મયંક છે,
ન તો ય જરી જંપ છે,
અંગમાં અનંગ છે,
શી બ્હાવરી બનેલ અભિલાષાના હુતાશમાં!
પોયણીએ ઊંચું જોયું રે આકાશમાં.
આલ્બમ:
સાયુજ્યસ્વરકાર:
અમર ભટ્ટસ્વર:
અમર ભટ્ટAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
સાંજ ઢળતાં જ રોશન થતાં મહેકતાં
હાથ ગજરા, ગળે હાર ઝુલાવતાં,
ખીંટીએ લટકતી રાખીને રિક્તતા
આ અમે નીકળ્યા ખેસ ફરકાવતાં.
ઓશીકે એક ઘડિયાળ અટકી પડે
વેળ તો વેળની જેમ વિત્યા કરે,
વાયરા દખ્ખણના તો ગમે તે ક્ષણે
કેસરી કેસરી દ્વાર ખખડાવતાં.
સૌ અભાવો સુરાહી બને જ્યાં કને
જે મળે તે બધા તરબતર નીકળે,
કોઈને કોઈની કંઈ ખબર ના રહે
કોણ છલકી જતાં કોણ છલકાવતાં.
આલ્બમ:
શબ્દનો સ્વરાભિષેકસ્વરકાર:
અમર ભટ્ટસ્વર:
અમર ભટ્ટAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
સરસ વાત કરવાનો મોકો મળ્યો
તને પુષ્પ ધરવાનો મોકો મળ્યો
મને ક્યાં ખબર; હું છું વ્હેતો પવન,
બધા ઘેર ફરવાનો મકો મળ્યો.
હતાં ઝાંઝવાં એથી સારું થયું,
મને રેત તરવાનો મોકો મળ્યો.
થયું : હાશ સારું કે છે તો ખરો,
ખુદા છે તો ડરવાનો મોકો મળ્યો.
ગઝલને થુયું : છે આ ‘ઈર્શાદ’ તો
ઠરીઠામ ઠરવાનો મોકો મળ્યો.
આલ્બમ:
શબ્દનો સ્વરાભિષેકસ્વર:
અમર ભટ્ટAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
નભ ખોલીને જોયું, પંખી નથી નથી;
જળ ખોલીને જોયું, મોતી નથી નથી.
સતત છેડીએ તાર,
છતાં કંઈ રણકે નહીં;
આ એવો ચમકાર?
કશુંયે ચમકે નહીં;
ખોલી જોયા સૂર, હલક એ નથી નથી;
ખોલી જોયા નૂર, નજર એ નથી નથી.
લાંબી લાંબી વાટ,
પ્હોંચતી ક્યાંય નહીં;
આ પગલા ક્યાં જાય?
મને સંજય નહીં;
આ તે કેવા દેશ? દિશા જ્યાં નથી નથી!
આ મારો પરિવેશ! હું જ ત્યાં નથી નથી.
આલ્બમ:
શબ્દનો સ્વરાભિષેકસ્વરકાર:
અમર ભટ્ટસ્વર:
અમર ભટ્ટAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
રે’શું અમે ય ગુમાનમાં
હરિ સંગ નહીં બોલીએ
ખોલીશું બારણાં ને લેશું ઓવારણાં
આવકારા દેશું સાનમાં
હરિ સંગ નહીં બોલીએ
આસનિયા ઢાળશું ને ચરણોમાં પખાળશું
આંખ્યું ઉલાળશું તોફાનમાં
હરિ સંગ નહીં બોલીએ
લાપસિયું ચોળશું ને વીંઝણલા ઢોળશું
મુખવાસા દેશું પાનમાં
હરિ સંગ નહીં બોલીએ
મીરાં કે અંતમાં, આ ભરવસંતમાં
જીવતર દઈ દેશું દાનમાં
હરિ સંગ નહીં બોલીએ
તાજેતરનાં અભિપ્રાયો