અહો ! પુષ્પપુષ્પે પ્રગટ પ્રેમલિપિ – ઉમાશંકર જોશી
સ્વરકાર:અમર ભટ્ટ
સ્વર:ગાર્ગી વોરા
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
અહો ! પુષ્પપુષ્પે પ્રગટ પ્રેમલિપિ !
દિશાએ દિશાએ રહે દિવ્ય દીપી !
તૃણ તણે અંકુરે પ્રેમભાષા સ્ફુરે,
કોમળા અક્ષરોમાં લખેલી;
વાડીએ, ઝાડીએ, ખેતરે, કોતરે,
વાદળીપિચ્છમાં આળખેલી.
અહો ! પુષ્પપુષ્પે પ્રગટ પ્રેમલિપિ !
દિશાએ દિશાએ રહે દિવ્ય દીપી !
પંખીની હારમાં, સરિતની ચાલમાં,
સિન્ધુના ઊછળતા જળતરંગે,
એ જ ગાથા લખી ભવ્ય ગિરિશ્રેણિમાં,
તારકાંકિત નિશાને ઉછંગે.
અહો ! પુષ્પપુષ્પે પ્રગટ પ્રેમલિપિ !
દિશાએ દિશાએ રહે દિવ્ય દીપી !
તરુણ જનની કૂખે, અરુણ બાલક મુખે.
સ્મિતપીંછીથી રચી પ્રણયરૂપી;
મૃત્યુની લેખણે વૃધ્ધ રોગી તણે
મુખ લખી કારુણી એ અછૂપી.
અહો ! પુષ્પપુષ્પે પ્રગટ પ્રેમલિપિ !
દિશાએ દિશાએ રહે દિવ્ય દીપી !
ઊલટતા નાશમાં, પલટતી આશમાં
અગનઝાળે ગૂંથી ચીપીચીપી;
ભૂત ને ભાવિના ભવ્ય ભાવાર્થમાં
ભભકતી અજબઘેરાં અમી પી.
અહો ! પુષ્પપુષ્પે પ્રગટ પ્રેમલિપિ !
દિશાએ દિશાએ રહે દિવ્ય દીપી !
પ્રિય નીરજભાઈ ….
રવિવારની સવાર આપે સુધારી દીધી .. મહાકવિ ઉમાશંકર જોશીજીની અદભૂત રચના અને બહેન ગાર્ગી દ્વારા સુંદર ન્યાય અપાયો છે … મારી પસંદગીની રચના છે…
વશિષ્ઠ શુક્લ, વડોદરા
વાહ… ઉત્તમ રચના.. મજાની ગાયકી અને સુંદર સ્વરાંકન !
આભાર, શબ્દો સાથ ઓડિયો ઉપરાંત તમારો રેડિયો બધું આવકાર્ય. ધન્યવાદ અને અભિનંદન… કાંતિલાલ પરમાર – હીચીન.
વાહ, મન તરબતર. મનનીય કૃતિનું મોહક સ્વર-નિયોજન ગાયન.
વાહ ખુબજ સુંદર અને મનભાવન રચના, અભિનંદન અને ધન્યવાદ. મને બહુજ મઝા પડી.
વાહ વાહ મઝા આવી ગઈ, સરસ સ્વરાંકન , કર્ણમધુર સ્વર અને આનદ આનદ થઈ જાય એવું સંગીત સૌને અભિનદન અને આપનો આભાર………………….
V v v nice ..
Very nice song!
ગીત ની રચના અતિ સુન્દેર છે . બહુ મજા પડી ગઈ .
Amazing poem of great Umashankar Joshi put to music. Gargi Vora’s mellifluous voice adds beauty to grandeur. She is really blessed with a lilting voice that can effortlessly traverse poet’s poetic vision to pictures. Gargi held me captive during the whole rendition and captured my inner attention. Very unusual and beautiful poem set to music (I think in raag Kedar) with utmost simplicity and perfection.
A million thanks
Nilesh Nathwani, vienna
ક્વીમુર્ધ્ન્ય શ્રી ઉમાશંકર જોશીએ પ્રેમ્લીપી જાણી માની અને કાવ્ય રૂપે ઉતારી. સુર રૂપે સજી અમરભાઈ અને ગર્ગીભેને રજુ કરી. ધન્યવાદ.