Archive

Click play to listen all songs in ‘શાન’ Category
This text will be replaced by the flash music player.

કરીએ નિત્ય વંદન – રાજેન્દ્ર ઠાકર

September 14th, 2009 7 comments

સ્વર: સાધના સરગમ, શાન

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

કરીએ નિત્ય વંદન ઓ જગતપિતા,
આપો મતિ એવી રહીએ તુજથી ડરતા,
કરી શકીએ જગતમાં અમે સર્વ કામ,
તુજ અમ માતાને તુજ છે પિતા.

કરો કૃપા પ્રભુ, આપો આશિષ વિભુ
કરો કૃપા પ્રભુ, કરો કલ્યાણ સર્વદા.

અંતરની આંખો તમે અમને આપી,
સીમા ઉપકારની ના શકાય માપી.
રહીએ નિષ્કામ અમે, ના મનમાં આંખોથી વિકાર,
રહેમ કરો પ્રભુજી, હૈયે ના હમ ના શિકાર,
રહે યાદ તારી અંતરમાં વ્યાપી.

કરો કૃપા પ્રભુ, આપો આશિષ વિભુ
કરો કૃપા પ્રભુ, કરો કલ્યાણ સર્વદા.

ના છીએ ના થઈએ અમે પરાધીન,
કરી સદા ઉદ્યમ બનીએ સ્વાધીન.
કલાને સંગીતની કરીએ સાધના,
પ્રેમથી કરતા રહીએ તારી આરાધના,
આપો શક્તિ એવી થાય સફળ ઉપાસના.

કરો કૃપા પ્રભુ, આપો આશિષ વિભુ
કરો કૃપા પ્રભુ, કરો કલ્યાણ સર્વદા.

taintedsong.com taintedsong.com taintedsong.com

નૈનોથી જ્યાં મેં જોયા – કમલેશ સોનાવાલા

October 10th, 2008 6 comments

સ્વર: શાન

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

નૈનોથી જ્યાં મેં જોયા તમે દિલમાં વસી ગયા,
બંઘ કર્યા નયન તો તમે પાછા મળી ગયા.

આકાશની બુલંદિમાં તમે ક્યાં ક્યાં છૂપી ગયા,
સૂરજ ઢળી ગયો તો સિતારામાં ભળી ગયા.

જીવનની કપરી વાટમાં તમે સંતાઈ ક્યાં ગયા?
પુષ્પોની મહેક આવતાં અમે કાંટા ભૂલી ગયા.

લાગ્યું છે આ ગ્રહણ કે તમસમાં ભળી ગયા,
ઝુલ્ફો ઉઠાવો ત્યાં જ તમે ચાંદ થઈ ગયા.

મારી ગઝલ કિતાબમાં તમે અકબંધ થઈ ગયા,
બાકી રહેલા પાનાં ભલે કોરાં રહી ગયા.

taintedsong.com taintedsong.com taintedsong.com

બંધ આંખોમાં – ઈકબાલ મુન્શી

May 2nd, 2008 8 comments

સ્વર: શાન

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

બંધ આંખોમાં શમણું સજી ગયું,
મારું દિલ આજે મારું નથી રહ્યું.

ફૂલનાં પવનનાં સાંજના પ્રણયનાં,
મનનાં તરંગનાં, સૂરનાં સનમનાં;
રંગો સાતેય કોઈ રંગી ગયું,
મારું દિલ આજે મારું નથી રહ્યું.

મહેકે શ્વાસોમાં ભીનાં ચમન,
તારી સુગંધમાં ભાન ભૂલે છે મન;
છમછમ ઝાંઝર વાગે મધુરા,
સરસર પાલવ સરકે અધુરા;
મારા ખોબામાં કમળ ખીલી ગયું,
મારું દિલ આજે મારું નથી રહ્યું.

હૈયા દેશમાં તોરણ બંધાયા,
વ્હાલનાં ઉમંગનાં અવસર આવ્યા;
તેં એક અનોખી દુનિયા વસાવી,
મારા જીવનને સોળે શણગારી;
મારું ઘર આજે સ્વર્ગ બની ગયું,
મારું દિલ આજે મારું નથી રહ્યું.

taintedsong.com taintedsong.com taintedsong.com

મનમાં મારા મનમાં – ઈકબાલ મુન્શી

January 23rd, 2008 12 comments

આજનું આ ગીત ખાસ છે.. હજી ગઈકાલે જ આ ફિલ્મનાં સંગીતની સી.ડી. મારી પાસે આવી અને જેમ જેમ સાંભળતો ગયો એમ એમ જાણે પ્રેમમાં ડૂબતો ગયો. એક-એક ગીત મનને લોભાવી ગયું. કર્ણપ્રીય સંગીત અને સાથે શાન અને શ્રેયા ઘોષલનો સૂરીલો અવાજ હોય તો કહેવું જ શું. તો માણો આ સુંદર પ્રણયગીત.. સાંભળતા સાંભળતા કોઈ યાદ ન આવી જાય તો કહેજો 🙂 ..

ફિલ્મ: લવ ઈઝ બ્લાઈન્ડ
સંગીત: કર્દમ ઠાકર
સ્વર: શાન, શ્રેયા ઘોષલ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

મનમાં મારા મનમાં, કોઈ રૂમઝૂમ કરતું આવે,
હળવેથી મને બોલાવે..
મારા મનમાં.. મારા મનમાં..

મનમાં મારા મનમાં, વરસાદ પહેલો જાણે આવે,
વ્હાલમાં મને ભીંજાવે..
મારા મનમાં.. મારા મનમાં..

ફૂલો બધાં હવે રંગીન છે, હવાઓમાં જાણે સંગીત છે;
મોસમની આ કેવી પ્રીત છે,પ્રીતમાં રંગાવાની હવે જીદ છે.
મારા મનમાં.. મારા મનમાં.. મનમાં મારા મનમાં..

ઝાંઝર વાગે કે વાગે ભણકારા, મીઠા મીઠા લાગે છે હવે ધબકારા;
કોઈનાં થવાની આ કેવી બીક છે, કોઈનાં થવાની તોયે જીદ છે.
મારા મનમાં.. મારા મનમાં.. મનમાં મારા મનમાં..

taintedsong.com taintedsong.com taintedsong.com