ઢોલ ઢબૂક્યો આંગણિયે – ખલીલ ધનતેજવી
સ્વર: મનહર ઉધાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ઢોલ ઢબૂક્યો આંગણિયે ને, ગાજ્યું આખું ગામ,
પિતળીયા લોટા માંજીને, ચળક્યું આખું ગામ.
બે હૈયાનાં દ્વાર ખૂલ્યાની ચીસ હવામાં પ્રસરી,
શ્વાસ ઢબૂરી ઓરડો સૂતો, જાગ્યું આખું ગામ.
કંકોત્રીમાં અત્તર છાંટી, ઘર ઘર નોતરાં દીધાં,
ભેટ સોગાતો થાળ ભરીને, લાવ્યું આખું ગામ.
ભીના વાને થાતાં વાલમ, દેશ થયો પરદેશ
ઘરનો ઉંબર તો શું છોડ્યો, છોડ્યું આખું ગામ.
એકમેકનાં વિશ્વાસોને ઠેસ જરાસી વાગી,
કાચનું વાસણ ફૂટે એવું ફૂટ્યું આખું ગામ.
બહુજ સરસ ગઝલ બહુજ ગમી છેલ્લો શેર વાહ
મઝાની ગઝલ-તેમાં આ શેરો
બે હૈયાનાં દ્વાર ખૂલ્યાની ચીસ હવામાં પ્રસરી,
શ્વાસ ઢબૂરી ઓરડો સૂતો, જાગ્યું આખું ગામ.
ભીના વાને થાતાં વાલમ, દેશ થયો પરદેશ
ઘરનો ઉંબર તો શું છોડ્યો, છોડ્યું આખું ગામ.
સૂદર
સુંદર ગાયકી
દીકરીની કાયમી વિદાયઆલેખતી સુંદર ગઝલ
સુઁદર ગઝલ.
વાહ્….
બખૂબી સરળ શૈલીમાઁ
એક પ્રસઁગની સુઁદર રજૂઆત….
કખુબ્ સુન્દ