વર્ષાએ કરી કમાલ – નીલેશ રાણા

આલ્બમ: મિજાજ

સ્વર: નિશા ઉપાધ્યાય

આજ ભીંજાવું શું છે જાણ્યું, વર્ષાએ કરી કમાલ,
મારે આંગણ સાગર વરસે લઈને નદીઓનું વ્હાલ.

સોળ વરસની વર્ષા નાચે બાધી મસ્ત પવનનાં ઝાંઝર,
ઉમંગોની લચકાતી કમર પર પીડાની છલકે છે ગાગર,
વાત ચડી વંટોળે હું થઈ ગઈ માલામાલ,
ચડ્યું અચાનક ગોપિત ઝરણું.. વર્ષાએ કરી કમાલ..

આભ અરીસે મીટ જો માંડી કાયા થઈ ગઈ કંકુવરણી,
ફોરાં અડી મહેકે સંદેશા ગોકુળ બનતી મનની ધરણી,
ભીતર તનડે ભીનાં રાગો સાતે સૂરો કરે ધમાલ,
ગમ્યું અચાનક ખુદને મળવું.. વર્ષાએ કરી કમાલ..