ક્યારે પૂરા થશે મનના કોડ – કૈલાસ પંડિત

સ્વર: ઉર્મિશ મહેતા, વૈશાલી મહેતા

હો.. ક્યારે પૂરા થશે મનના કોડ ?
કે સાહ્યબો.. મારો ગુલાબનો છોડ

કલકલતાં ઝરણાંમા નદીયું છલકાય છે
નદીયુંના વ્હેણમાં સાગર મલકાય છે
ચાંદાને જોઇ સાગર ઝૂલે છે ગેલમાં
ધરતીનો છેડો જઇ આભમાં લહેરાય છે

હો.. નદીને સાગર થવાના જાગ્યા કોડ
કે સાહ્યબો.. મારો ગુલાબનો છોડ

આંખ્યુંની વાત હવે હોઠોં પર લાવીએ
ફૂલોની પાસ જઇ કોરા થઇ આવીએ
રોપીને આસપાસ મહેંદીના છોડને
માટીના કુંડામાં તુલસી ઉગાડીએ

હો.. હવે હમણાં તો હાથ મારો છોડ
કે સાહ્યબો.. મારો ગુલાબનો છોડ

હો.. લેને પુરા કીયા મનનાં કોડ
કે રાજવંત તું ચમેલી હું ચંપાનો છોડ