પગલીનો પાડનાર દેજો રન્નાદે..

લીંપ્યું ને ગૂંપ્યું મારું આંગણું રે,
પગલીનો પાડનાર દેજો રન્નાદે,
વાંઝિયામેણાં માડી દોહ્યલાં રે.

દળણાં દળી હું તો પરવારી રે,
ખીલાડાનો ઝાલનાર દ્યોને રન્નાદે,
વાંઝિયામેણાં માડી દોહ્યલાં રે.

રોટલા ઘડીને હું તો પરવારી રે,
ચાનકીનો માંગનાર દ્યોને રન્નાદે,
વાંઝિયામેણાં માડી દોહ્યલાં રે.

ધોયોધફોયો મારો સાડલો રે,
ખોળાનો ખૂંદનાર દ્યોને રન્નાદે,
વાંઝિયામેણાં માડી દોહ્યલાં રે.