Home > ગીત, વિનોદ જોષી > કૂંચી આપો બાઈજી – વિનોદ જોષી

કૂંચી આપો બાઈજી – વિનોદ જોષી

February 13th, 2008 Leave a comment Go to comments

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

કૂંચી આપો, બાઈજી !
તમે કિયા પટારે મેલી મારા
મૈયરની શરણાઈ જી !

કોઈ કંકુ થાપા ભૂંસી દઈ
મને ભીંતેથી ઊતરાવો,
કોઈ મીંઢણની મરજાદા લઈ
મને પાંચીકડાં પકડાવો.

ખડકી ખોલો બાઈજી !
તમે કિયા કટાણે પોંખી મારા
કલરવની કઠણાઈજી !

તમે ઘરચોળામાં ઘુઘરિયાળી
ઘરવખરી સંકેલી,
તમે અણજાણ્યા ઉંબરિયેથી
મારી નદિયું પાછી ઠેલી !

મારગ મેલો બાઈજી !
તમે કિયા કુહાડે વેડી મારા
દાદાની વડવાઈજી !

Please follow and like us:
Pin Share
  1. Ramesh Shah
    February 13th, 2008 at 12:20 | #1

    આવું સુંદર ગીત તો ફક્ત માણવું જ રહ્યું છતાં જાણવાની ઈંતજારી વશ પુછુ કે ગાયક અને સંગીતકાર કોણ? સાંભળ્યાજ કરીયે એવું સુંદર ગીત આપવા બદલ ધન્યવાદ.

  2. Vashishth Shukla
    February 16th, 2008 at 13:50 | #2

    ખુદ ગીત્ કાર વિનોદ્ ભાઇ ના સ્વરે આ ગીત નુ પાન કર્ વાનો અમુલ્ય લહાવો મને મલ્યો ત્યાર થિ આ ગીત મારા માટે કૈક અનોખિ લાગણિ અને સ્પન્દનો નિ સુવાસ લઈ આવ્યુ છે . નિરજ ભાઇ કયા શબ્દો મા તમારો આભાર વ્યક્ત કર્વો? કોણે ગાયુ છે ખબર પડિ શકે ?

  3. Rekha Sindhal
    September 7th, 2008 at 01:20 | #3

    ટહુકો.કોમ પર પણ આ ગીત અન્ય સૂરોમાં સાંભળવાની આવી જ મજા આવી. ગુજરાતી સંગીત પ્રત્યેના પ્રેમની વહેંચણી માટે તમને ધન્ય છે નીરજભાઈ !

  4. Neena Gandhi
    September 30th, 2008 at 14:55 | #4

    બાળ-વિવાહની કરુણતા આ ગીતમાં ધૉણી છે.

  5. Shivani
    December 5th, 2008 at 06:52 | #5

    આફ્ર્રીન

  6. Rajni P.Shah (New York)
    January 7th, 2009 at 16:17 | #6

    આનો ગાયક અમર ભટ્ટ જ હોય. ગજબ.ગજબ.
    બેકગ્રાઉન્ડ મ્યુઝિક પણ દિલમાં ચોંટી જાય છે.
    અફલાતૂન.-આરપી.

  7. sudhir patel
    August 31st, 2009 at 01:31 | #7

    નીરજભાઈ, આ ગીતના ગાયક અમર ભટ્ટ જ છે શક્ય હોય તો ગાયક કલાકાર તરીકે એમનું નામ મૂકવા વિનંતી.
    આટલા સ્પષ્ટ ઉચ્ચારો સાથે ગાતા મેં હજી સુધી કોઈ ગુજરાતી ગાયક-ગાયિકાને સાંભળ્યા નથી.
    ગાવામાં અનુસ્વારની પણ અનુભૂતિ – અદભૂત છે. અભિનંદન!
    સુધીર પટેલ.

  8. Himanshu Trivedi
    August 10th, 2020 at 06:35 | #8

    અમર ભટ્ટ – સંગીતકાર અને સ્વર. ડો. વિનોદ જોશી ના અદભુત સુંદર ગીતોમાંનું શિરમોર સમું આ ગીત. ધન્ય ધન્ય થઇ જવાય…મેં ગઈકાલે એને આજ સંગીતકારની તર્જ પર હેમાલી વ્યાસ-નાયક ના સ્વરમાં સાંભળ્યું. અદભુત અને વારંવાર સાંભળવું ગમે તેવું ગીત. ગુજરાતી ભાષાનું ગૌરવ.

  1. No trackbacks yet.