ઉંચી તલાવડીની કોર – અવિનાશ વ્યાસ

સ્વર: આશા ભોંસલે

ઉંચી તલાવડીની કોર… પાણી ગ્યા’તા…
પાણી ભરતાં રે જોયો સાહ્યબો…
બોલે અષાઢીનો મોર… પાણી ગ્યા’તા…
પાણી ભરતાં રે જોયો સાહ્યબો…

ગંગા જમના બેડલું ને તિનખાબી ઇંઢોણી
નજર્યું ઢાળી હાલું તોય નજર્યું લાગે કોની
વગડે બાજે મુરલીના શોર… પાણી ગ્યા’તા…
પાણી ભરતાં રે જોયો સાહ્યબો…

ભીંજી ભીંજી જાય મારા સાળુડાની કોર
આંખ મદેલી ઘેરાણી જાણે બન્યું ગગન ઘનઘોર
છાનો ના રેલાવ્યો નો ઘોર… પાણી ગ્યા’તા…
પાણી ભરતાં રે જોયો સાહ્યબો…

ઉંચી તલાવડીની કોર… પાણી ગ્યા’તા…
પાણી ભરતાં રે જોયો સાહ્યબો…