આપી આપીને – વિનોદ જોષી
May 29th, 2014
12 comments
આલ્બમ:શબ્દ પેલે પાર
સ્વરકાર:પરેશ નાયક
સ્વર:માલિની પંડિત નાયક
સ્વરકાર:પરેશ નાયક
સ્વર:માલિની પંડિત નાયક
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આપી આપીને તમે પીંછું આપો સજન,
પાંખો આપો તો અમે આવીએ..
ચાંદો નીચોવી અમે વાટકા ભર્યા
ને એને મોગરાની કળીએ હલાવ્યાં;
આટલા ઉઝરડાને શમણું ઓઢાડી
અમે ઊંબરની કોર લાગી લાવ્યા.
આપી આપીને તમે ટેકો આપો સજન,
નાતો આપો તો અમે આવીએ..
કાગળમાં કાળઝાળ રેતી વીંઝાય
અને લેખણમાં બેઠી છે લૂ;
આંગળિયું ઓગળીને અટકળ થઇ જાય
અમે લખીએ તો લખીએ પણ શું?
આપી આપીને તમે આંસુ આપો સજન,
આંખો આપો તો અમે આવીએ..
Categories: ગીત, પરેશ નાયક, માલિની પંડિત નાયક, વિનોદ જોષી, શબ્દ પેલે પાર gujarati geet, malini pandit naik, paresh naik, Vinod Joshi
તાજેતરનાં અભિપ્રાયો