Archive

Posts Tagged ‘gujarati bhajan’

જેને દીઠે નેણલાં ઠરે – લખમો માળી

March 5th, 2014 5 comments
સ્વરકાર:હેમુ ગઢવી
સ્વર:હેમુ ગઢવી

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


જેને દીઠે નેણલાં ઠરે
બાયું ! અમને એડા એડા સંત મળે.
ઉદરમાંથી એક બુંદ પડે ને,
ભગત નામ ધરે,
નરક છોડાવીને ન્યારા રે’વે,
અમર લોકને વરે… બાયું..

કાયાવાડીનો એક ભમરલો
સદાય તારી ઓથ ધરે;
આ રે સંસારમાં સંત સુહાગી
બેઠા બેઠા ભજન કરે.. બાયું..

લખમાના સ્વામીને સમરતાં
સ્વાતિનાં બિંદુ ઠરે,
બાયું અમને એડા એડા સંત મળે.

taintedsong.com taintedsong.com taintedsong.com

તારી જીવનગાડી ચાલી રે…

March 10th, 2010 6 comments
આલ્બમ:ભજન

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


તારી જીવનગાડી ચાલી રે
પ્રાણી કિયે રે મુકામે..

સાવ રે અણજાણ્યા પંથે, છૂટી જાય સાથી સંગી
મળે નહીં કોઈ સથવારો.
કરેલા કરમ કેરી બાંધી રે ગઠરિયા
ને એકલો તું ચાલ્યો પરબારો
તે તો લીધી વાટ્યું આડી રે, પ્રાણી ભૂલ્યો ઠામઠામે
તારી જીવનગાડી ચાલી રે..

મોતની લગાવી બાજી, જીવનો જુગાર ખેલ્યો,
આત્મા રમાડ્યો કોડી ભાવે,
ગણેલી રકમ લઈને આવ્યો રે બજારમાં,
ને જિંદગી ગુમાવી એક દાવે,
એતો ગોરખધંધો ખાલી રે, પ્રાણી મળી ખોટ સામે,
તારી જીવનગાડી ચાલી રે.

વાદળા છવાયા માથે ઝબુકતી વીજળી ને
ચારેકોર ઘેર્યા મેઘ બારે,
ભરીને કરાર આંધી અંતર ધર્યું જ્યાં
ને અચાનક લાગ્યો ભાવ ભારે.
તાકાતનો પાણો ભરી રે પ્રાણી તારે રામ નામે,
તારી જીવનગાડી ચાલી રે..

taintedsong.com taintedsong.com taintedsong.com

ઓ ઈશ્વર ભજીએ તને…

March 26th, 2007 14 comments

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ઓ ઈશ્વર ભજીએ તને, મોટું છે તુજ નામ,
ગુણ તારાં નિત ગાઈએ, થાય અમારાં કામ.

હેત લાવી હસાવ તું, સદા રાખ દિલ સાફ,
ભૂલ કદી કરીએ અમે તો પ્રભુ કરજો માફ.

ઓ ઈશ્વર તમને નમીએ માંગુ જોડી હાથ,
આપો સારા ગુણ અને, સુખમાં રાખો નાથ.

મન વાણી ને હાથથી કરીએ સારાં કામ
એવી બુધ્ધિ દો અને પાળો બાળ તમામ.

ઓ ઈશ્વર તું એક છે સર્જ્યો તે સંસાર
પ્રુથ્વી પાણી પર્વતો તેં કીધા તૈયાર.

તારા સારા શોભતા, સૂરજ ને વળી સોમ,
તે તો સઘળાં તે રચ્યા જબરું તારું જોમ.

અમને આપ્યાં જ્ઞાન ગુણ, તેનો તું દાતાર,
બોલે પાપી પ્રાણીઓ, એ તારો ઉપકાર.

કાપ કલેશ કંકાસ ને, કાપ પાપ પરિતાપ,
કાપ કુમતિ કરુણા કરી કાપ કષ્ટ સુખ આપ.

taintedsong.com taintedsong.com taintedsong.com