સ્વરકાર:
રિશીત ઝવેરીસ્વર:
હિમાલી વ્યાસ નાયકAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
મને તરબોળ થવું,
હવે ભીની ભીની રાતો લઈને, આવ સજનવા
તું વરસાદી વાતો લઈને આવ સજનવા.
ચૈતર ટાઢો ડામ બનીને અંગ અંગને બાળે,
પરસેવે હું રેબઝેબ ને ગામ બધું ભાળે,
રોમરોમમાં ગીત મૂકીશું તું અષાઢને ગાતો લઈને, આવ સજનવા,
તું વરસાદી વાતો લઈને આવ સજનવા.
આવ આપણા સંબંધોને નામ આપશું થોડા,
પળ પળ વીતી જાય વાલમા, પછી પડીશું મોડા,
તોડ્યો જે ના તૂટે એવો એક નાતો લઈને, આવ સજનવા,
તું વરસાદી વાતો લઈને આવ સજનવા.
સ્વર: રૂપકુમાર રાઠોડ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આ શું પ્રગટ્યું છે મારામાં કે યાદ કરું છું ગોકુળને,
છે મન ગમતીલી દ્વિધામાં કે યાદ કરું છું ગોકુળને.
તન તેલ સુગંધી દ્રવ્યો ને રત્નોમાં જઈને અટવાયું,
મન માખણ મિસરી ખાવામાં કે યાદ કરું છું ગોકુળને.
આ સિંહાસન ને તાજ હવે બહુ ભારે ભારે લાગે છે,
એવું તે હતું શું પીંછામાં કે યાદ કરું છું ગોકુળને.
આ રેશમ રૂની ગાદીમાં પણ ઊંઘ હવે ક્યાં આવે છે!
નક્કી જ હતું કંઈ રાધામાં કે યાદ કરું છું ગોકુળને.
સ્વર: આલાપ દેસાઈ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
તમે શ્યામ થઈને ફૂંકો મને વાંસળી બનાવો,
પછી આભ થઈને વ્યાપો મને વાદળી બનાવો.
તમે પર્વતો ઊઠાવો કે પછી કોઈ રથ બચાવો,
મને ભાર કંઈ ન લાગે ભલે આંગળી બનાવો.
ભલે અંગથી છૂટીશું, પણ સંગ યાદ રહેશે
તમે સાપ-રૂપ લો તો, મને કાંચળી બનાવો.
તમે આંખમાં વસો છો તમે શ્વાસમાં શ્વસો છો,
અમે તોય તમને જોશું ભલે આંધળી બનાવો.
સ્વર: મનહર ઉધાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
“રાહ જોજે યાદ થઈને આવશું,
સ્વપ્નમાં સંવાદ થઈને આવશું,
તું ગઝલ થઈને રજુ થાતો ખરી,
મહેફીલોમાં દાદ થઈને આવશું.”
હવે કહું છું જરા ભીંજાવને વરસાદ ના સમ છે
પછી હળવેથી સંકોચાવ ને વરસાદ ના સમ છે
અમોને રાત આખી રહી જવાના કોડ જયાં જાગ્યા
તમે પણ કહી દીધુ હવે જાવ ને વરસાદ ના સમ છે
અમે નખશીખ ભીંજાયા, તમે તો સાવ કોરાકટ
જરા ખોબો ભરી ને ન્હાવ ને વરસાદ ના સમ છે
અમે આપ્યા છે સમ એ સમનું થોડુ માન તો રાખો
ચલો સમ તમે પણ ખાવ ને વરસાદના સમ છે.
તાજેતરનાં અભિપ્રાયો