સ્વર: મિતલી સિંઘ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આ કંપે શાને ઉર રાંકડું, પ્રિય આવો ને!
મારું મન ઝાલ્યું નવ જાય, પ્રિય દોડી આવો ને!
કેવળ દર્દને, નહીં કાંઈ બીજું, પ્રિય આવો ને!
આ ઉર આડે અંગાર, પ્રિય દોડી આવો ને!
ખીલ્યાં ફૂલની રેલી છે સુવાસ, પ્રિય આવો ને!
મહેકે બહેકે મારો શ્વાસ, પ્રિય દોડી આવો ને!
આજે અંગ અંગ, જાગે રે ઉમંગ પ્રિય, આવો ને!
સંગ સંગ વરસે પ્રેમરંગ, પ્રિય દોડી આવો ને!
સ્વર: સાધના સરગમ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આંખડી હો તારી આંખડી,
તારી આંખડી ઝબકી જાય,
સખી રંગભરી તારી આંખડી.
વિજ સમી ઝબકી, હૈયામાં ઉતરી,
જાતાં દઝાડી ગઈ એકદમ ચમકી;
લજવાતી લહેરી જાય..
સખી રંગભરી તારી આંખડી..
હૈયું ઝબકાવતી, નૈના તલસાવતી,
હૈયાનાં અમૃતને હેતે છલકાવતી;
મારા હૈયાને ભીંજવતી જાય..
સખી રંગભરી તારી આંખડી..
ઝબકી ઝબકાવતી, પલકારા મારતી,
મીઠા મધુર કોડ હૈયે રેલાવતી,
સુના સપના સંકોરતી જાય..
સખી રંગભરી તારી આંખડી..
સ્વર: નિશા ઉપાધ્યાય
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
મારે કોને જઈને કહેવું?
હે સખી મારે તે શું હવે કહેવું?
કોઈ સ્વપ્નનાં ભેદ ખૂલ્યા ત્યાં,
રણઝણી બંસરી મીઠી;
પીયુ દર્શનની પળ આવી ત્યાં,
વિદાય એની દીઠી.
એનું મનહર રૂપ કેવું?
હે સખી મારે તે શું હવે કહેવું?
સ્નેહ તણી સરિતાને કાંઠે,
રૂપ દીઠું છલકાતાં;
સ્મરણોથી ભીજાંયું અંતર,
તોય ના ઉર શાતા.
મારે પળપળ બળતા રહેવું.
હે સખી મારે તે શું હવે કહેવું?
સ્વર: કવિતા કૃષ્ણમૂર્તિ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
વાદળી વરસીને ચાલી ગઈ;
ધરતીના હૈયા ધબકાવતી ગઈ;
વાદળી વરસીને ચાલી ગઈ.
કુદરતમાં લીલાંછમ રંગો રલાવતી;
મધુર મધુર ભીંજવતી ગઈ,
ઝરમર ઝરમર પ્રેમ વરસાવે આભથી,
એ તો ક્યાંથી આવીને ક્યાં ગઈ!
વાદળી વરસીને ચાલી ગઈ.
પળભરમાં પ્રીતીનો પાલવ લહેરાવતી;
કણકણ પ્રગટાવતી ગઈ.
ધબકે છે હૈયું આ, જોઉં જ્યાં વાદળી;
એ તો પળમાં અણજાણ બની ગઈ!
વાદળી વરસીને ચાલી ગઈ.
સ્વર: આરતી – સૌમિલ મુન્શી
સંગીત: શ્યામલ – સૌમિલ મુન્શી
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ઉરે ઉભરાતાં પ્રેમનાં તરંગો ને સ્નેહનાં ઉમંગો,
કે પ્રેમને રંગ શું ને રૂપ શું?
ઉરે વાગી જો પ્રેમની કટારી, કંટક જેમ ભારી,
કે પ્રેમને રંગ શું ને રૂપ શું?
હૈયું રમતું આકાશના તારે, ચાંદલિયા ધારે,
કે પ્રેમને રંગ શું ને રૂપ શું?
હું તો શોધું શોધું ને ના મળતું, ભીતરમાં જ જડતું,
કે પ્રેમને રંગ શું ને રૂપ શું?
રંગે કાળો કોકિલ કંઠે મીઠો, ગમે ન છોને દીઠો,
કે પ્રેમને રંગ શું ને રૂપ શું?
પ્રીત ડાળે પ્રેમાળ સહુ પંખી, બજવતા બંસી,
કે પ્રેમને રંગ શું ને રૂપ શું?
તાજેતરનાં અભિપ્રાયો