મેળાનું નામ ના પાડો – ભાગ્યેશ જ્હા

સ્વર: સોલી કાપડિયા

મેળાનું નામ ના પાડો તો સારું કે મારામાં મેળાની ભરતી,
મેળાને હોય નહીં મંદિરનું સરનામું, મેળો તો મળવાની ધરતી.

મેળવિણ મેળામાં છલકે અવાજ અને ભક્તિ તણાય જાણે ચીડમાં,
માણસની જાત એના સગાં ભગવાન માટે ટોળે મળી છે ભીની ભીડમાં.
મેળાનું ગીત ક્યાંય ફરકે ધજામાં ને આંખ થઈ એકલતા ફરતી,
મેળાને હોય નહીં મંદિરનું સરનામું, મેળો તો મળવાની ધરતી.

મંદિરના ખોબામાં ઉભરાણું આજ કશું મારા સિવાય મને ગમતું,
અધરાતે જન્મોનો ખોળ્યો ઉકેલ કશું કાન જેવું આભમાંથી ચમક્યું,
ભીની નજર મારી મોરલીની ધાર એમાં રાધાની વારતા કરતી.
મેળાને હોય નહીં મંદિરનું સરનામું, મેળાની મારામાં ભરતી.