ખૂશ્બુમાં ખીલેલા ફૂલ હતાં – સૈફ પાલનપુરી

આલ્બમ: આકાશ સવાયા ગુજરાતીનું

સ્વર: મિતાલી સીંગ

ખૂશ્બુમાં ખીલેલાં ફૂલ હતાં, ઊર્મીમાં ડુબેલાં જામ હતાં
શું આસુંનો ભુતકાળ હતો, શું આસુંના પણ નામ હતાં

હું ચાંદની રાતે નીકળ્યો તો મારી સફર ચર્ચાઇ ગઇ
કંઇ મંઝીલ પણ મશહુર હતી, કંઇ રસ્તા પણ બદનામ હતાં

જીવનની સમી સાંજે મારે ઝખમોની યાદી જોવી હતી
બહું ઓછાં પાનાં જોઇ શક્યો, બહુ અંગત અંગત નામ હતાં

થોડીક શીકાયત કરવી હતી, થોડાક ખુલાસા કરવા હતાં
ઓ મોત જરા રોકાઇ જતે, બે ચાર મને પણ કામ હતાં