આંખોમાં છલકતો કૈફ હશે – અમર પાલનપુરી

આલ્બમ: હળવે હાથે

સ્વર: જયેશ નાયક

આંખોમાં છલકતો કૈફ હશે, હાથોમાં ભરેલા જામ હશે,
બોલાવ્યા અમે ના બોલીશું પણ હોઠે તમારું નામ હશે.

નૌકા જો અમારી ડૂબી તો અંજામ બૂરો થાશે એનો,
તોફાન ઉમટશે કિનારે મઝધાર બધી સુમસામ હશે.

ઉપવનમાં કરુણા વ્યાપી ગઈ ખોલ્યા મેં જયારે જખમ દિલના,
કાંટાએ નથી માની શકતા ફૂલોનું આવું કામ હશે.

હો દિલમાં ભેલે સો દર્દ ‘અમર’, હમદર્દી ખપે ના દુનિયાની,
એક તારો દિલાસો મળશે તો ખુબ મને આરામ હશે.