પૂનમની પ્યારી પ્યારી રાત..

હે શરદ પૂનમની રાતડી જી રે અને ચાંદો ઊગ્યો છે આકાશ
અરે પણ સરખે સરખી સાહેલડી અરે વળી રમ્યા એ પૂરી રાત.

હે પૂનમની પ્યારી પ્યારી રાત,
મારી પ્રિતમ સાથે છે મુલાકાત, આજ તું ના જાતી…

ચમકે છે નભમાં જેટલાં તારા, હો સપનાં તે એટલાં મનમાં
આજની આ પૂનમ છે જેવી રૂપાળી, એવું જ રૂપ મારા તનમાં
જોજે થાયે ના આજે પ્રભાત, મારી પ્રિતમ સાથે છે મુલાકાત,
આજ તું ના જાતી…

જાગી છે પ્રિત મારી જન્મો જનમની, રમશું રે રાતભર રંગમાં
જાવ જાવ સખીઓ થાશે રે મોડું, સાજન છે કોઇનાં સંગમાં
મને કરવા દ્યોને થોડી વાત, મારી પ્રિતમ સાથે છે મુલાકાત,
આજ તું ના જાતી…