કાનુડાને બાંધ્યો છે – હરીન્દ્ર દવે
આલ્બમ:સમન્વય ૨૦૦૫
સ્વરકાર:દક્ષેશ ધ્રુવ
સ્વર:અમર ભટ્ટ
સ્વરકાર:દક્ષેશ ધ્રુવ
સ્વર:અમર ભટ્ટ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
કાનુડાને બાંધ્યો છે હીરના દોરે,
બાળુડાને બાંધ્યો છે હીરના દોરે.
કોમળ આ અંગ પરે કાપા પડે છે જેવા,
આંગળીથી માખણમાં આક્યાં,
નાનકડા નૈણ થકી ઝરમર ઝરે છે જેવા.
ઢળતા શીકેથી દહીં ઢાંક્યા.
એના હોઠ બે બીડાયા હજી તોરે,
કે કાનુડાને બાંધ્યો છે હીરના દોરે.
માથેથી મોરપિચ્છ હેઠે સર્યું,
ને સરી હાથેથી મોગરાની માળા,
આંખેથી કાજળ બે ગાલે જઈ બેઠું,
કાનકુંવર શું ઓછા હતાં કાળા?
કોઈ જઈને જશોદાને કહો રે,
કે કાનુડાને બાંધ્યો છે હીરના દોરે.
Please follow and like us:
Categories: અમર ભટ્ટ, કૃષ્ણગીત, દક્ષેશ ધ્રુવ, સમન્વય ૨૦૦૫, હરિન્દ્ર દવે amar bhatt, dakshesh dhruv, Harindra Dave
ખૂબ જ જાણીતી રચનાને ખૂબ જ હળવાશથી સ્વરબદ્ધ કરી છે… મજા આવી…
મસ્ત… !
આ સ્વરરચના દક્ષેશ ધ્રુની છે. કવિ મકરંદ દવેની ગઝલ- છેલ્લા કિરણને ભાળી લઉં -નું સ્વરનિયોજન પણ દક્ષેશ ધ્રુનું જ છે. આભાર.