તારી મહેરબાની નથી..

સ્વર: દીપ્તિ દેસાઈ

તારી મહેરબાની નથી,
નીચોવી દિલ દીધું
તોય કદરદાની નથી.

અમારી વેણીની ઉપર રહ્યું છે ફૂલડું મહેંકી
સુવાસ એની મીઠી કોઈ થી અજાણી નથી.
તારી મહેરબાની નથી..

કહે સંસારીઓ શાણા પ્રેમીઓને આંખ નથી
ધરાઈ જોઈ લઉં આંખ જો રહેવાની નથી.
તારી મહેરબાની નથી..

દિલ કહે છે આંખને આ શું કર્યું, તેં શું કર્યું,
જોઈ લે તું રોઈ બેઠી, આવી બન્યું મુજ રાંકનું
તો આંખ બોલી ભૂલ થઈ, ભૂલ થઈ,
હું શું જાણું ગુલાબ દેશે ડંખ, આવું મજાનું ફૂલ થઈ
એવી એ પ્રિત કદી કોઈએ પિછાણી નથી.
તારી મહેરબાની નથી..

આંખમાં આંસુ હતા, હોઠ પર ફરિયાદ હતી
ભૂલાઈ વાત હવે કોઈને કહેવાની નથી.
તારી મહેરબાની નથી..