ખરું કહું તો – અમૃત “ઘાયલ”

આલ્બમ: અદ્દભુત

સ્વરકાર: મનહર ઉધાસ

સ્વર: મનહર ઉધાસ

દોસ્ત એટલો જ ફરક છે,
આ અગરબત્તીને માણસમાં
એક બળીને સુગંધ આપે છે,
એક સુગંધ જોઈને બળે છે.
– “દોસ્ત”

ખરું કહું તો એ કંટક નથી, ગુલાબ નથી
જીવન જીવન છે, જીવનનો કશો જવાબ નથી

ખરાબ દ્રષ્ટિથી ભાસે છે, સારૂં વિશ્વ ખરાબ
નજર ખરાબ નથી તો, કોઈ ખરાબ નથી

તને પીતાં નથી આવડતો, મુર્ખ મન મારા
પદાર્થ એવો કયો છે, કે જે શરાબ નથી

વિજય પરસ્તને, “ઘાયલ”, હું કેમ સમજાવું?
કે કામિયાબ હકીકતમાં, કામિયાબ નથી.