પુછતી નહીં કેટલો પાગલ – સુરેશ દલાલ

આલ્બમ: સમન્વય ૨૦૦૫

સ્વર: પાર્થિવ ગોહિલ

પુછતી નહીં કેટલો પાગલ, કેટલો પાગલ,
આભમાં જોને જેટલા વાદળ એટલો પાગલ.

ઝાડનું નાનું ગામ વસાવ્યું ને,
ફૂલને તારું નામ દીધું છે.
ભમરા તને ગૂંજ્યા કરે,
ગૂંજવાનું મેં કામ લીધું છે.

જળને તારું નામ દઈ ઢંઢોળી લેતો,
ખોવાઈ ગયેલા નામને મારા ખોળી લેતો.

નદી તારા નામની વહે,
એ જ નદીનું જળ પીધું છે.

આપણા પ્રેમની સુખની દુ:ખની વાત કરું છું,
શબ્દો આગળ એટલો પાગલ.