સંગીત: કલ્યાણજી - આનંદજી
ફિલ્મ: કુલવધૂ
સ્વર: કિશોર કુમાર
ચાલતો રહેજે, તું ચાલતો રહેજે,
જીવનની વાટે, મંઝીલને માટે,
વિસામો ન લેજે, વિસામો ન લેજે.
ચાલતો રહેજે..
કોઈને મળ્યો સીધો રસ્તો, કોઈને આડો અવળો,
કોઈનો મારગ છે ફૂલો નો, કોઈનો છે કાંટાળો,
ફૂલ મળે તો સૌને દેજે, કાંટા તું પોતે સહેજે.
ચાલતો રહેજે..
જેને સમજશે જીવનસાથી, એકલતા દઈ જાશે,
કોઈ અજાણ્યો જીવનભરનો સથવારો થઈ જાશે,
ધીરજ ધરજે, સુખ દુ:ખમાં તું હસતો હસતો રહેજે.
ચાલતો રહેજે..