સોયમાં દોરો – નીલેશ રાણા

આલ્બમ: મિજાજ

સ્વર: નયનેશ જાની

સોયમાં દોરો પરોવતી જોઈ તને મારામાં સંધાયુ કંઈ,
છમછમ છાલક સમ છલકાયો પળમાં ને મારામાં બંધાતુ કંઈ.

શ્વાસો તારાથી નિ:શ્વાસોથી હું, આ બાંધણીને છોડવી તે કેમ?
તસતસતા કમખામાં, ગુંગળાતા હોય કદી વ્યાકુળ ધબકારાની જેમ,
નજરોમાં રોપાતી મોગરા ‘શી તું, અહીં મુજમાં સુગંધાતુ કંઈ.

છલકાતા રણ પર સરોવર લખાય પણ એ રેતકણમાં કૂંપળનું ફૂટવું,
ઓગળતો તારામાં સ્થિર થઈ આજ હવે હું જ મને મારાથી ઝૂટવું,
હૈયું કપૂર સમ ઉડતું રહ્યું, ને જૂઓ મારામાં ઘેરાતું કંઈ.