સ્વર: મનહર ઉધાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
તું જો આજે મારી સાથે જાગશે,
ચાંદ ક્યાંથી ચાંદ જેવો લાગશે.
તું અમારો છે તો ધરતીના ખુદા,
તું અમારા જેવો ક્યારે લાગશે.
હું રડું છું એ જ કારણથી હવે,
હું હસું તો એને કેવું લાગશે?
જિંદગી તું આટલી નિર્દયી હશે,
તું મને શું એક પળમાં ત્યાગશે.
એણે માંગી છે દુઆ તારી ‘અદી’,
તું ખુદા પાસે હવે શું માગશે?
સ્વર: મનહર ઉધાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
પ્રેમના પુષ્પો ભરીને રાખજો,
દિલ દીધું છે, સાચવીને રાખજો.
દુઃખના દિવસોમાં એ કામ આવી જશે,
એક ગઝલ મારી લખીને રાખજો.
રાત છે એના મિલનની દોસ્તો,
સાંજથી તારા ગણીને રાખજો.
દિલના કોઈ એકાદ ખૂણામાં ‘અદી’
નામ એનું કોતરીને રાખજો.
સ્વર: મનહર ઉધાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
“તમને સમય નથી ને મારો સમય નથી.
કોણે કહ્યું કે આપણી વચ્ચે પ્રણય નથી.”
– બાપુભાઈ ગઢવી
સમયની આંધીઓ એને ઝૂકાવે તો મને કહેજે,
કદી પણ સાચને જો આંચ આવે તો મને કહેજે.
શિખામણ આપનારા ચાલ મારી સાથે મયખાને,
તને પણ જિંદગી માફક ન આવે તો મને કહેજે.
મુસીબતમાં બધું ભૂલી ગયો છે માનવી આજે,
હવે એને ખુદા પણ યાદ આવે તો મને કહેજે.
જે તારા દોસ્તો તારા સુખોની નોંધ રાખે છે,
તને એ તારા દુ:ખમાં કામ આવે તો મને કહેજે.
તાજેતરનાં અભિપ્રાયો