Archive

Posts Tagged ‘heemali vyas’

મને મારગે મળ્યા’તા શ્યામ – હરિન્દ્ર દવે

May 27th, 2010 4 comments
આલ્બમ:સમન્વય ૨૦૦૯
સ્વરકાર:રસિકલાલ ભોજક
સ્વર:હિમાલી વ્યાસ નાયક



મને મારગે મળ્યા’તા શ્યામ, કોણ માનશે?
એક મીટમાં મળ્યા’તા શ્યામ, કોણ માનશે?

એને માથાનું મોરપિચ્છ વ્હાલે ધર્યું,
એની મોરલીની મીઠપથી છલક્યું ગળું,
મારી સંગે હળ્યા’તા શ્યામ, કોણ માનશે?

એની આંખડીથી વૃંદાવન છલકી ગયું,
એના હોઠને વળાંક વ્હાલ મલકી ગયું,
મારે હૈયે ઢળ્યા’તા શ્યામ, કોણ માનશે?

taintedsong.com taintedsong.com taintedsong.com

ઝાંઝર અલકમલકથી આવ્યું રે – સુન્દરમ

April 23rd, 2010 8 comments
આલ્બમ:સમન્વય ૨૦૦૯
સ્વરકાર:રસિકલાલ ભોજક
સ્વર:હિમાલી વ્યાસ નાયક



ઝાંઝર અલકમલકથી આવ્યું રે,
મને વ્હાલાએ પગમાં પહેરાવ્યું રે,
મારું ઝમકે ઝમઝમ ઝાંઝરણું.

એને ઘૂઘરે ઘમકે તારલિયા,
એને પડખે ચમકે ચાંદલિયા,
એને મોઢે તે બેઠા મોરલિયા,
મારું ઝમકે ઝમઝમ ઝાંઝરણું.

એ રાજાએ માંગ્યું ઝાંઝરણું,
એ રાણીએ માંગ્યું ઝાંઝરણું,
તોયે વ્હાલે દીધું મને ઝાંઝરણું,
મારું ઝમકે ઝમઝમ ઝાંઝરણું.

ઝાંઝર પહેરી હું પાણીડાં ચાલી,
મારી હરખે છે સરખી સાહેલી,
એને ઝમકારે લોકોની આંખો જલી,
મારું ઝમકે ઝમઝમ ઝાંઝરણું.

taintedsong.com taintedsong.com taintedsong.com