સ્વર: આશા ભોંસલે
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
માડી તારુ કંકુ ખર્યું ને સુરજ ઊગ્યો
જગ માથે જાણે પ્રભુતાએ પગ મૂક્યો.
મંદિર સર્જાયું ને ઘંટારવ જાગ્યો
નભનો ચંદરવો માંએ આંખ્યુમાં આંજ્યો
દીવો થાવા મંદિરનો ચાંદો આવી પૂગ્યો
કંકુ ખર્યું ને સુરજ ઊગ્યો…
માવડીની કોટમાં તારાના મોતી
જનનીની આંખ્યુંમાં પૂનમની જ્યોતિ
છડી રે પુકારી માંની મોરલો ટહુક્યો
કંકુ ખર્યું ને સુરજ ઊગ્યો…
નોરતાંનાં રથનાં ઘૂઘરા રે બોલ્યા
અજવાળી રાતે માંએ અમરત ઢોળ્યાં
ગગનનો ગરબો માંનાં ચરણોમાં ઝૂક્યો
કંકુ ખર્યું ને સુરજ ઊગ્યો…
સ્વર: અમર ભટ્ટ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
જરાયે દોસ્તો ખબર નથી કે અમોને શાની સજા મળી છે
કશુંય તોહમત નથી જ માથે વગર ગુનાની સજા મળી છે
વિનમ્ર થઈને કદાપી એકેય કરી ન ફરીયાદો જિંદગીમાં
રહી રહીને ખબર પડી કે ન બોલવાની સજા મળી છે
ઘણીય વેળા ઉભા રહ્યાં તો અશક્ત માની હટાવી દિધાં
ઘણીય વેળા સમયથી આગળ વધુ થવાની સજા મળી છે
અમારા ઘરમાં અમારા અવસર ઉપર નીમંત્ર્યા બધાને કિન્તુ
હવે અમારી સભામાંથી અમને વહી જવાની સજા મળી છે.
સ્વર: પાર્થિવ ગોહિલ અને સમુહ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
વૃક્ષ વૃક્ષ ને ડાળ ડાળ ને પાન પાન ને ફૂલ ફૂલમાં નર્તન,
મારી ધરતી કેવી મલકે… મારી ધરતી કેવી મલકે…
વૃક્ષ વૃક્ષ ને ડાળ ડાળ ને પાન પાન ને ફૂલ ફૂલમાં નર્તન.
આખા તે આકાશ વિષે આ સ્વરનાં સોનલ સાવ સુકોમળ સ્પંદન,
મારો સાગર કેવો છલકે… મારો સાગર કેવો છલકે…
વૃક્ષ વૃક્ષ ને ડાળ ડાળ ને પાન પાન ને ફૂલ ફૂલમાં નર્તન.
હું મારા એક અંકુરેથી વૃક્ષ થઈને વેરું લીલાં ટહુકા,
હું મારું એક જલબીદું થઈ, સાગર થઈ તરતી રાખું નૌકા,
હું મારું એક આભ થઈને ઉજળો ઉજળો તડકો ઓઢી મ્હાલું,
હળવે હળવે ચંદ્ર-કિરણનું પિચ્છ ફેરવું પાંપણ ઉપર સુંવાળું,
હું મારું એક ગીત ગાઉ છું તારે માટે મારા લાખ ઉમળકે,
મારી ધરતી કેવી મલકે… મારો સાગર કેવો છલકે…
વૃક્ષ વૃક્ષ ને ડાળ ડાળ ને પાન પાન ને ફૂલ ફૂલમાં નર્તન.
સ્વર: મનહર ઉધાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
“જાહેરમાં જે સાંભળી શરમાઈ જાય છે
તે ખાનગીમાં મારી ગઝલ દિલથી ગાય છે
એમાં અચંબો પામવા જેવું નથી કશું
થઈ જાય છે જો પ્રેમ તો એવુંય થાય છે”
લાજના ભાવથી નમી તે ગઝલ
જે પ્રથમ દ્રષ્ટિએ ગમી તે ગઝલ
આંખમાં આંજીને સ્નેહનો સુરમો
રાતભર સોગઠે રમી તે ગઝલ
દ્રષ્ટિ મળતાં જ પાંપણો મધ્યે
ઊગે સંબંધ રેશમી તે ગઝલ
એ તો છે ચીજ સર્વ મોસમની
નિત્ય લાગે મૌસમી તે ગઝલ
લિટી એકાદ સાંભળી ‘ઘાયલ’
હલબલી જાય આદમી તે ગઝલ
————————-
આવી જ રીતે ગઝલની વ્યાખ્યા આપતી શૂન્ય પાનલપુરીની ગઝલ અહિં સાંભળો
સ્વર: ઉર્મીશ – વૈશાલી મેહતા
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
નહી રે ભૂલું હું નહી રે ભૂલું
એ આપણો સથવારો જોજે ના ભૂલે
ના ના.. નહી રે ભૂલું હું નહી રે ભૂલું
ભીનાં ભીનાં સમીરમાં મન મારું પલળેલું
રૂછું મારા હાથ મહીં નામ તારું ચીતરેલું
મારા અધરે મુકેલો તેં શ્વાસનો પલકારો
એ આપણો સથવારો જોજે ના ભૂલે
નહી રે ભૂલું…
તારી એ હથેળી મહીં મારી છબી જોઇ ‘તી
મારા બાહુબંધ મહીં મલકમાં તુ રોઇ ‘તી
મારા હ્રદયે સુણેલો એ તારો થડકારો
એ આપણો સથવારો જોજે ના ભૂલે
નહી રે ભૂલું…
એ અજાણ રાત મહીં વાતનાં પરોવ્યાં ફૂલો
પિયા તારો સાથ હતો સુખ ભર્યો ઝુલો
ઝુલશે સમયની ડાળે પ્રિતનો આ માળો
એ આપણો સથવારો જોજે ના
ભૂલે નહી રે ભૂલું…
તાજેતરનાં અભિપ્રાયો