Home > ગીત, ભાગ્યેશ ઝા, સોલી કાપડિયા > તમે અહીંયા રહો તો – ભાગ્યેશ જ્હા

તમે અહીંયા રહો તો – ભાગ્યેશ જ્હા

September 26th, 2008 Leave a comment Go to comments

સ્વર: સોલી કાપડિયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

તમે અહીંયા રહો તો મને સારું રહે,
આ જળને વહેવાનું કંઈ કારણ રહે.

તમે આંખોથી આંસુ નીચોવી લીધું,
આ વાદળને રડવાનું કાનમાં કીધું;
તમે આવજો કહીને પછી આવશો નહીં,
તમે ભૂલવાની ભ્રમણામાં ફાવશો નહીં.
આ શબ્દોને ઉંડું એક વળગણ રહે,
આ જળને વહેવાનું કંઈ કારણ રહે.

હવે સૂરજ આથમશે તો ગમશે નહીં,
આ સપનાનો પગરવ વર્તાશે નહીં;
રાતે તારાને દર્પણમાં ઝીલશું નહીં,
અને આભ સાથે કોઈ’દિ બોલશું નહીં.
મારા દર્દોનું એક મને મારણ રહે,
આ જળને વહેવાનું કંઈ કારણ રહે.

એક પંખી સૂરજ સામે સળગી જશે,
એના સપનાઓ વીજળીમાં ઓગળી જશે;
તમે ચીરી આકાશ ક્યાંય ઊડતા નહીં,
આ ખારા સાગરને ખૂંદતા નહીં.
અહીં વરસાદે વરસાદે ભીનું રહે,
આ જળને વહેવાનું કંઈ કારણ રહે.

અહીં ઉપવનમાં આંસુના ઉગશે બે ફૂલ,
આંખ રડશે કે તડકામાં સળગી’તી ભૂલ;
તમે આશાની આશામાં રડશો નહીં,
તમે હસવામાં હસવાનું ભરવાનું નહીં.
અહીં વૃક્ષોનું ડોલવાનું કાયમ રહે,
આ જળને વહેવાનું કંઈ કારણ રહે.

  1. September 26th, 2008 at 13:53 | #1

    સરસ અભિવ્યક્તિવાળુ ગીત ..!

  2. pragnaju
    September 26th, 2008 at 15:34 | #2

    સોલીના સ્વરમા
    તમે અહીંયા રહો તો મને સારું રહે,
    આ જળને વહેવાનું કંઈ કારણ રહે.
    ખુબ જાણીતુ મધુરુ ગીત

  3. September 26th, 2008 at 20:29 | #3

    nicely sung……
    enjoyed looooot !!

  4. September 28th, 2008 at 08:07 | #4

    ઘણુ સરસ.
    શબ્દો સરસ છે.
    આઆન્ખો થી આન્સુ નિચોવિ લિધુ.
    વદળ ને રડવાનુ કાન માન કિધુ..
    તમારુ કહેલુ માનિ લિધુ.
    સરસ છે.

  5. October 9th, 2008 at 06:23 | #5

    કુદરતની કમાલ સૃષ્ટિનુ સૂક્ષ્મ અવલોકન્,
    શરીરમા શ્રેષ્ઠ હૃદયનુ તેમા સ્થાન,
    સુંદર રચના,

    PRADIP GAGLANI, PRINCIPAL, INFOCITY JUNIOR SCIENCE COLLEGE
    GANDHINAGAR 9824266121

  6. puja
    April 30th, 2012 at 12:25 | #6

    બહુ મસ્ત છે ખુબ સુંદર આભીવ્યક્તિ વાળું છે આ ગીત

  7. suresh baxi
    July 21st, 2016 at 04:38 | #7

    ખુબ સરસ રચના છે .સોલી કાપડિયા ની રજુઆત સુંદર છે .

  1. No trackbacks yet.