તારી આંખનો આફીણી – વેણીભાઈ પુરોહિત

આલ્બમ: નીલ ગગનના પંખેરું

સ્વર: મનહર ઉધાસ

તારી આંખનો આફીણી, તારા બોલનો બંધાણી
તારા રૂપની પુનમનો પાગલ એકલો

આજ પીધું દર્શનનું અમૃત, કાલ કસુંબલ કાવો
તાલ પુરાવે દિલની ધડકન, પ્રિત બજાવે પાવો
તારી મસ્તીનો મતવાલો આશક એકલો
તારા રૂપની પુનમનો પાગલ એકલો
તારી આંખનો આફીણી…

આંખોની પડખે જ પરબડી આંખો જુએથી આવો
અદલ-બદલ તન મનની મોસમ, ચાતકનો ચકરાવો
તરા રંગનગરનો રસીયો નાગર એકલો
તારા રૂપની પુનમનો પાગલ એકલો

તારી આંખનો આફીણી, તારા બોલનો બંધાણી
તારા રૂપની પુનમનો પાગલ એકલો