હરિનો કાગળ આવ્યો આજ – મુકેશ જોષી
આલ્બમ:સમન્વય ૨૦૦૫
સ્વરકાર:આશિત દેસાઈ
સ્વર:હેમા દેસાઈ
સ્વરકાર:આશિત દેસાઈ
સ્વર:હેમા દેસાઈ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
હરિનો કાગળ આવ્યો આજ
જાણે મારા હાથને ઝાલ્યો, એવી આવે લાજ.
હરિનો કાગળ આવ્યો આજ..
હરિ લખે એ વાંચી જાવા આંખો ક્યાંથી લાવું?
હું તો સાવ અભણ કોની પાસે જઈ વંચાવું?
કાગળને પણ કંઠ હોત તો થોડો હોત અવાજ.
હરિનો કાગળ આવ્યો આજ..
અક્ષર સાથે છેટું એ શું નથી જાણતા હરિ?
કાગળ પણ લખિયો તો લખિયો પાનેપાનાં ભરી,
મને ભરી જો હોત હેતથી, કેવા કરતી સાજ.
હરિનો કાગળ આવ્યો આજ..
કાગળનો છે અર્થ, હરિ પણ સ્મરણ કરે છે મારું,
હુંય હરિને ગમું અહો એ લાગે કેવું સારું.
હરિ તમે જાતે આવીને હેલ ઉતારો રાજ,
હરિનો કાગળ આવ્યો આજ..
Categories: આશિત દેસાઈ, પ્રાર્થના-ભજન, મુકેશ જોષી, સમન્વય ૨૦૦૫, હેમા દેસાઈ ashit desai, hema desai, mukesh joshi
ખૂબ જ સુંદર ભાવવાહી ગીત…
હેમાબેને પણ ખૂબ જ મલાવી-મલાવીને અદભુત રીતે ગાયું છે.. રણકારના બધા ઑડિયો આજ-કાલ અવારનવાર સાંભળવાનું મન થાય એવા હોય છે…
આભાર!
ખુબજ સુન્દર્
thank you
Hari ane Haribhaktana darshan Thaaya evun sundar kavya chhe. Hemabene khoob bhavpoorvak premthi gaayun chhe.