જોગી ચલો – વેણીભાઈ પુરોહિત

આલ્બમ:સમન્વય ૨૦૦૯
સ્વરકાર:પરેશ ભટ્ટ
સ્વર:ભૂમિક શાહ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


જોગી ચલો ગેબને ગામ,
સમય પોતે છે પ્રશ્નવિરામ,
સમયનું ક્યાં છે પૂર્ણવિરામ?

સુખને દુઃખનું સંગમ તીરથ
જીવન એનું નામ,
આવન જાવન ગહન અનાદિ
કરવું પડે શું કામ?
જોગી ચલો ગેબને ગામ..

તપ લેખો તો તપ છે જીવન
નહીંતર તીખો તાપ,
મુસિબતોને પાર કરે
તે સુખિયો આપોઆપ.
પોતામાં સુખ શોધીને કર,
પોતાને જ પ્રણામ..
જોગી ચલો ગેબને ગામ..

ડાબા જમણા ખભા ઉપર છે
કઈ ભવ ભવનો ભાર,
પાપ પુણ્યની વચ્ચે ચાલે
અરસ પારસ સંહાર.
તું પોતે છે પરમ પ્રવાસી
તુજ પરમનું ધામ..
જોગી ચલો ગેબને ગામ..

Please follow and like us:
Pin Share
  1. April 9th, 2010 at 10:54 | #1

    નીરજભાઈ સરસ ગીત છે. અને હા વેણીભાઈની કવિતાનો ઉત્સવ યોજાવાનો છે. બધા ગુજરાતીઓ માટે એક આનંદના સમાચાર છે. સાહિત્યને ‘તારી આંખનો અફીણી’,’નયણાં’, ‘પ્યારનો પારો’ જેવી ઉત્તમ રચના આપતા કવિ વેણીભાઇ પુરોહિતના કાવ્યોનો સંગ્રહ ‘કાવ્યવિશેષ – વેણીભાઇ’ આવતીકાલ એટલે કે શનિવાર ૧૦ એપ્રિલે પ્રકાશિત થઇ રહ્યો છે. પ્રસિધ્ધ સ્વરકાર શ્રી દિલીપભાઇ ધોળકિયાના હસ્તે મુંબઇના ભારતીય વિદ્યાભવન ખાતે રાત્રે 0૮:૦૦ વાગ્યે તેનુ વિમોચન કરવામાં આવનાર છે. વધુ માહિતી http://www.krutesh.info/2010/04/blog-post_09.html

  2. April 9th, 2010 at 13:08 | #2

    સુંદર ગીત… સુંદર સ્વરાંકન અને ચિત્તાકર્ષક ગાયકી…

    પૂરક માહિતી માટે અભિષેકનો પણ આભાર!

  3. Nalin Purohit
    April 9th, 2010 at 16:30 | #3

    @અભિષેક
    નમસ્કાર,
    સરસ ગીત. મારે મારા ચાર – પાંચ મિત્રો સાથે વિમોચન કાર્યક્રમ માં આવવાની ઈચ્છા છે. એ માટે ટીકીટ અથવા પાસ ક્યાંથી અને કઈ રીતે મેળવી શકાય એ જણાવશો. મારો cell number ૯૮૯૨૪૩૬૪૦૨ છે. અથવા મારા e – mail કરવા વિનંતી.

  1. No trackbacks yet.