ચાલ સાથે બેસી કાગળ વાંચીએ – ભગવતીકુમાર શર્મા

આલ્બમ: અદ્દભુત

સ્વરકાર: મનહર ઉધાસ

સ્વર: મનહર ઉધાસ

ચાલ સાથે બેસી કાગળ વાંચીએ
વીત્યાં વર્ષોની, પળેપળ વાંચીએ

છે જુનો કાગળને, ઝાંખા અક્ષરો
કાળજીથી ખોલીને, સળ વાંચીએ

પત્ર સૌ પીળા પડ્યા, તો શું થયું
તાજે તાજું છાંટી, ઝાકળ વાંચીએ

કેમ તું રહીરહીને, અટકી જાય છે
મન કરી કઠ્ઠણને, આગળ વાંચીએ

માત્ર આ પત્રો, સીલકમાં રહી ગયા
કંઈ નથી આગળ, તો પાછળ વાંચીએ