જનમોજનમની આપણી સગાઈ – મેઘબિંદુ

આલ્બમ: ગુલમહોર

સ્વરકાર: પુરષોત્તમ ઉપાધ્યાય

સ્વર: હંસા દવે

જનમોજનમની આપણી સગાઈ હવે શોધે છે સમજણની કેડી,
આપણા અબોલાથી ઝુર્યા કરે છે હવે આપણે સજાવેલી મેડી.

બોલાયેલ શબ્દોનાં સરવાળા બાદબાકી કરતું રહ્યું છે આ મન,
પ્રત્યેક વાતમાં સોગંદ લેવા પડે છે, કેવું આ આપણું જીવન?
મંઝીલ દેખાય ને હું ચાલવા માગું ત્યાં વિસ્તરતી જાય છે આ કેડી.

રંગીન ફૂલોને મેં ગોઠવી દીધાં છે મેં તેથી ખીલેલો લાગે આ બાગ,
ટહુકાને માંડ માંડ ગોઠવી શક્યો પણ ખરી પડ્યો એનો રાગ,
ઉડતા પંતગીયાઓ પૂછે છે ફૂલને તારી સુગંધને ક્યાં વેરી?
——————————————–
ફરમાઈશ કરનાર મિત્ર: કિરીટભાઈ