મધરાતે સાંભળ્યો મોર – ઇન્દુલાલ ગાંધી
આલ્બમ:સમન્વય ૨૦૦૫
સ્વર:રાસબિહારી દેસાઈ
સ્વર:રાસબિહારી દેસાઈ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આજ મેં તો મધરાતે સાંભળ્યો મોર,
મધરાતે સાંભળ્યો મોર.
વાદળાય નહોતા ને ચાંદોય નહોતો
ઝાકળનો જામ્યો તો દોર,
ઝાકળને માનીને વાદળનો વીંઝણો
છેતરાયો નટવો નઠોર.
મધરાતે સાંભળ્યો મોર..
ઉષાની પાંપણ જ્યાં અધમીચી ઉઘડી
ઝાકળ કારમાણી કોર,
રંગ કેરાં ફૂમતડા ફંગોળી મોરલે
સંકેલી લીધો કલશોર.
હળવી હલકમાં ગાયેલું સુંદર ગીત…
શ્રી રાસબિહારી દેસાઈના અન્ય ગીતો પણ મૂકવા માટે નમ્ર વિનંતી
રાસજીના ઘૂંટાયેલા અવાજે તથા કાવ્યના શબ્દોએ ઘેલું લગાડ્યું છે.
રાસભાઈ ઘરે આવે ત્યારે અમારા પસંદ ગીતોમાં આ ગીત પણ ગાતા,
ત્રિવેદી પરિવાર
આ ઘેઘૂર અવાજ હવે ક્યારેય સાંભળવા નહિ મળે, અફસોસ ના કરીએ,આભાર માનીએ સુંદર ગીતો આપવા માટે.
આ ઘેઘુર નાદ સંગીત દરેકના હ્રીદયમાં એવો વસી / બેસી અને ઘર કરી ગયો છે કે હમેંશ ગુંજતો રહેશે. આવો સુંદર, મીઠો, સુરીલો, હ્રિદય સ્પર્શી અને નાદ ભ્રમ અવાજ હવે પ્રત્યક્ષ સાંભળવા નહિ મળે, પણ જયારે જયારે અને જેટલીવાર એમના મધુર સંગીતને સાંભળીશું ત્યારે ત્યારે તેઓ હાજર હજૂર છે તેવો ભાસ જરૂરથી થાય છે અને થતો રહેશે. આવો બીજો અવાજ પૃથ્વી ઉપર થવો અસંભવ છે.
રાસ ભાઈ એમના ગીતો દ્વારા સદાય અમર રહેશે આપણી વચ્ચે …