હરિ વરસે તો પલળું – સંદીપ ભાટીયા
સ્વર: ઝરણા વ્યાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
સખીરી હરિ વરસે તો પલળું,
લખલખ ચોમાસામાં કોરું મીણનું મારું દલડું.
હરિ વરસે તો પલળું.
હરિ મારો ઉનાળો ને હરિ વાય તો ટાઢ,
હરિથી આંખ્યું ભરી ભરી ને હરિ વહે તે બાઢ.
તુલસીદળ કે અશ્રુબિંદુ હરિ નમાવે પલડું,
હરિ વરસે તો પલળું.
હરિ ધધખતા સ્મરણ કલમ ને હરિ શાહી ને કાગળ,
હરિ લખ્યું ત્યાં શબ્દો ખૂટ્યા હવે લખું શું આગળ.
હરિ કનડતા ના વરસી હું કોરી રહીને કનડું,
હરિ વરસે તો પલળું.
સુંદર રચના…અભિનન્દન .. નવી અને સુંદર રચનાઓનો રણકાર સદાય રણકાવતા રહેશો…!!
very good thank you niraj bhai
સુંદર રચના… પણ ઑડિયો ક્લિક કરતાં File not found એવો સંદેશ મળે છે…
હરિ કનડતા ના વરસે (ને) હું કોરી રહીને કનદડું
શું શબ્દોની છેડખાની, કમાલ રચના, આફરીન આફરીન
સુંદર ભજન ફરી એક વાર.
આભાર.
નિરજભાઈ
ખરેખર ખુબજ સુંદર ક્રુતિ. ઝરણા બેનને હાર્દિક અભિનંદન.
Beautiful voice and words.
Enjoyed very much.
Thanks for lovely music.
ખુબજ માણ્યો ઝરનાબેનનો મધુર કન્ઠ , સુન્દર ભજન
આભાર નિરજભાઈ
ખૂબ સુંદર ગાયકી… એકીબેઠકે ચાર-ચાર વાર સાંભળ્યું…
શીખી હતી પણ ઝરણા વ્યાસના મુખે આજે સાંભળ્યું. ખૂબ સરસ રચના સાથે ગૂડ કોમ્પોઝ છે.
સરસ રચના અને મન તરબોળ કરે તેવા સ્વર સાથે તાલ મેળવતું સંગીત…
આભાર નિરજ
સુંદર રચના અને સુરીલું ગાન. ર. પા. ની યાદ તાજી થઈ ગઈ.
Very good
તુલસીદળ કે અશ્રુબિન્દુ, હ્રરિ નમાવે પલડુ પૂજા અને ભાવના હરિને સમર્પણ. સ્વીકાર અસ્વિક્રાર પણ તે જ જાણે. ખૂબ જ સરસ કાવ્ય.
ગમે
ખુબજ ભવ્સભર પ્રસ્તુતિ,અત્યન્ત કર્નપ્રિય,સુન્દેર શબ્દો,ઉત્ક્રુશ્ત સ્વરન્કન્………….ફરિ ફ્રિ સમ્ભદ્વનુન મન થાય્
૧૬ ફેબ્રુઆરિ ૨૦૧૦
નીરજભાઈ, કમાલની શબ્દ રચના. હરિભક્તિ આથી વધુ કયા શબ્દોથી થાય?તમારી આ પણ એક
સેવાભક્તિ જ છેને! તમારી અથાગ મહેનત અને પરિશ્રમના ફલસ્વરૂપ સુંદર સગીત પુષ્પગુચ્છ વાતારણ
રમ્યબનાવે છે .પ્રભુ આપને હમેશા સુખ શાંતિ બક્ષે એવી અમારી વાચકોની મનોકામના.
અદ્દભુત રચના અને બહુ જ સરસ સંગીત તથા ગાયકી. સહૃદય અભિવાદન …..
તુલસીદલ ને અશ્રુબિંદુ ! બહેના અને નીરજ ભાઈનો ખૂબ આભાર..જય શ્રી કૃષ્ણ….